**
Hum jo tootey tu iss tarhan tootey
jaisay hathoon sey gir key pathar par
koi shafaf aaina tootey
jaisay palkon sey toot-ta aansoo
jaisay seeney main aik gumaan tootey
jaisay umeed ki nazuk daali
burg mausum main nagahaan tootey
jaisay aankhoon main khaub ki douri
waqt-e-takmeel main ulajh jaye
jaisay pairon tale sey nikle zameen …
jaisay sar par ye aasmaan tootey…
jaisay aik shakh par bharosa kiya
us pey jitney theey aashiyaan tootey…
jaisay wehshaat sey hosh aa jaye
jaisay taa dair main dhiyaan tootey…
Ab jo Rezaa hoye tu sochtey hain
Kisney Dekha tha Tootna apna…
Hum Jo tootey tu Raigaan Tootey …!!!
