aaj se is duniya mein
koi kissi se piyaar nahien keray ga
aaj se aankhein
khuwabon ke bandhan se azaad ker di jaein gi
bikharnay ka , tutnay ka
phir tut ker simatnay ka khel khatam
sab ke dilon ko
ek pathar ehsas bant diya jaye ga
dilon ke narm goshay
ukhaar ke phenk diye jaein gay
sab phool rakh ker diye jaein gay
awr sari duniya mil ker
apnay apnay muhabbat ke
“Rait Mehlon” per
muhabbat ke dard se azadi ka
apna pehla qadam rakhay gi
jab bhi tumhari yaad se dil phat`ta hai
to mann chahta hai
keh mein is duniya ka badshah hota
awr yeh hukam nama jari ker ke
khud ko tum se
azaad ker leta …
Fasih Hukam Nama is much better than Yaas!! :k: … It’s more mature, more strong and much more inter-connected. Bina khayal ke aek shaer aesey hi hey jisey bina petrol ke aek gaarri. Baqi likhaai meiN rakh-rakho to aahista, aahista aa hi jaata hey
Aek aur baat, urdu shaeri meiN talaffuz bohat hi eham hey. Hukam ghalat hey. Asal talaffuz Hukm hey
… well i will try my best to keep on track