Ye chaman tumhara hai, Tum ho naghma-khuaaN is ke
Iss chaman ke phoolon par, Rang -o- aab tum se hai
Iss zameen ka har zarra, Aftab tum se hai
Ye fiza tumharee hai, behr-o-bar tumharey hain
kehkeshan ke ye jaley, rehguzar tumharey hain
ye watan tumhara hai, tum ho pasban is ke
Iss zameen kee mitti main, khoon hai shaheedon ka
arz-e-pak markaz hai, qaum kee umeedon ka
nazam-o-zabt ko apna, meer-e- karwan jano,
waqt ke andhron mein, apna qaaf pehchanno
ye watan tumhara hai, tum ho pasban is ke
ye zameen muqaddas hai, maan ke pyar kee soorat
iss chaman mein tum sab ho, barq-o-bar kee soorat
dekhna gawana mut, dolat-e-yaqeen logon
ye watan amanat hai, aur tum ameN logon
ye watan tumhara hai, tum ho pasban is ke
meer-e-karwan ham thay, rooh-e-karwan tum ho
ham to sirf unwaN thay, asl dastan tum ho
nafraton ke darwazey inn pe band hee rakhna
iss watan ke parcham ko, sar baland hee rakhna
ye watan tumhara hai, tum ho pasban is ke
ye chaman tumhara hai, tum ho naghma-khwan is ke
Allah hamarey mulk ko aise hi aazaad aur aabaad rakhey Aameen!
GOD BLESS YOU ALL
aaj 14 August hai? 
