Nasir Kazmi’s
Hoti hai teray naam say wehshat kabhi kabhi
barham hui hai youn bhi tabiyat kabhi kabhi
aey dil kisay naseeb yay taufeeq-e-iztiraab
milti hai zindagi main yay raahat kabhi kabhi
teray karam say aey alam-e-husn-e-aafreen
dil ban gaya hai dost ki Khilvat kabhi kabhi
dil ko kahan naseeb yay taufeeq-e-iztiraab
milti hai zindagi main yay raahat kabhi kabhi
josh-e-junoon main dard ki tughyaaniyon ke saath
ashkoon main dhal gai teri suurat kabhi kabhi
tere qareeb reh kay bhi dil mutamaein na tha
guzri hai mujh pay bhi yay qayaamat kabhi kabhi
kuch apna hosh tha na tumhara Khayal tha
youn bhi guzar gai shab-e-furqat kabhi kabhi
aey dost ham ne tark-e-muhabbat ke ba-vajood
mehsoos ki hai teri zaroorat kabhi kabhi
