hisaar-e-zaat se...

[Rameesha]

Re: hisaar-e-zaat se…

@koiDost

aadaab, dosto!

ek haaliya Ghazal pesh-e-Khidmat hai. mulaahiza farmaaiye aur bataaiye ki kaisii lagii.

**Ghazal **

**hisaar-e-zaat se gar ham nikal nahiiN sakte **
**diye hamaare tafakkur ke jal nahiiN sakte **

**hai inqilaab-e-zamaanaa kaa Khvaab be.maanii **
**ham apne aap ko jab tak badal nahiiN sakte **

**khulii fazaa kii zaruurat jinheN ho vo paude **
**ghane daraKht ke saaye meN phal nahiiN sakte **

**unhiiN kii raah meN patthar bichhaaye hai dunyaa **
**zaraa sii choT jo khaa kar saNbhal nahiiN sakte **

**Ghubaar-e-raah kaa saa hashr un kaa hotaa hai **
**jo log chaal zamaane kii chal nahiiN sakte **

**vo ban ke zahr dil-o-jaaN meN phail jaate haiN **
**ba.raah-e-chashm jo aaNsuu ubal nahiiN sakte **

**kayii to dafn hii rahte haiN dil meN, ai :Waseem: **
ki saare dard to sheroN meN Dhal nahiiN sakte!!!

Waseem Ahmed

Khobsoorat kheyal kay sath buhat khobsorat ghazal he