“Jub din guzar rahay thay
hum tum say keh rahay thay
mushkil hay ab bichaRna
ab tum say dur rehna
tum sun kay huns diyay thay
aur hum say yay kaha tha
hum tum ko bhool ja-ain
tum ko naa yaah aa-ain
sun ker tumhaaree baatain
hum chup say ho ga-ay thay
phir tum bichaR ga-ay thay
tum say bichaR kay hum bhi
hur lumha gin rahay thay
mausam badal rahay thay
aur hum kay jul rahay thay
baarish ka pehla qatra
jub bhi gira zameen per
hum ko yon lug raha tha
jungle pighal raha tha
hur saans thi kay saakit
khushboo bhi aur hi thi
thaa aasman bhi veeran
aur rung bujh ga-ay thay
duniya badal ga-ee thi…
phir dil behel gaya tha
hum ho ga-ay thay aadee
duniya ki mehfilon kay
ab phir say mil ga-ay ho
ab hum say keh rahay ho
mushkil hay ab bichaRna
ab tum say dur rehna
ab din guzar ga-ay hain
khushboo nahi rahi hai
hai aasman bhi roshan
aur rung jul rahay hain…”
Kay hum tu Dhoop main baarishh kay woh qatray hain jo gir ker, dar-o-deevar per hi sookh jaatay hain…