Woh Tabassum Jo Meyree Jan Tha, Bay Jan Sa Tha,
Mein Samajhtha Tha Jisay Pyar, Wo Ehsan Sa Tha.
Derd Bhi Meyra Wohi Tha, Meyra Derman Bhee Wo,
Jo Meyra Ho K Bhee Meray Liyay Anjaan Sa Tha.
Janay Kyuon Os Ki Parastish Ko Meyra Jee Chaha,
Dejhnay Mein Jo Her Andaz Se Insaan Sa Tha.
Os K Chehray Pe Numayaan Wo Ghazalee Aankhain,
Meray Deewan Pe Likkha Hoa Unwaan Sa Tha.
Meyray Bahar Ki Fiza Mein Thee Ajub Khamoshi,
Meyray Ander Koee Uth-Ta Hoa Toofan Sa Tha.
Meyray Aanay Say Jo Lagta Tha Pareshaan Bohat,
Mein Ne Jatay Hoay Dekha To Pashaiman Sa Tha.
Wasl Aasaan Sa Lagta Tha Magar Tha Mushkil,
Hijr Mushkil Tha Bazahir Magar Aasaan Sa Tha
Jo Musalma’n Thay Bazahir Wo Faqat Naam K Thay,
Aik Insaa’n Keh Jo Kafir Tha, Musalman Sa Tha.
Mei’n Qamar Tha To Wo Mahnoor Ada Tha Meyra,
Un-Kaha Sa Koee Hum Donoo’n Mei’n Paimaan Sa Tha
(Qamar Abbas Zaidi)
back redidentity