~Hijr mein tere aansoo bahata hai koi~

Arts & Culture Poetry ( Intikhaab & Sho'ra-e-Gupshup)
1

Naam likh likh kar haathoon pe mera mitaata hai koi
Bahaanay bahaanay se mujhe sataata hai koi
Mujhe tu kabhi bhi jeenay ki khwaahish nahee rahi
Jaane kyo zindagi ke roop mein mujhe milne aata hai koi
Baad-e-saba kabhi tu meharbaan ho ke bata aaye tujh ko
Ke hijr mein tere aansoo bahaata hai koi
Tera milna na milna muqqadar ki baat sahi
Tujhe har roz magar Khuda se maangta hai koi
Yeh kaisi andhair nagri hai ke mere Khuda
Tu saamnay hai magar tujhe dhoondta hai koi
Chalo acha huwa zamaanay ko mauzoo tu mil gaya
Humein sata kar kitna muskuraata hai koi
Ab ke hamaari haar bhi jeet ki maanind hai ‘Tajjamul’
Humein haar ke bhi aksar pukaarta hai koi…

2

Bohat khoob...

Yeh kaisi andhair nagri hai ke mere Khuda
Tu saamnay hai magar tujhe dhoondta hai koi

Wah!

3

Zabardast!.. Lovely Choice janab..

4

bohat achay :k:

5

:k:

6

Mujhe tu kabhi bhi jeenay ki khwaahish nahee rahi
Jaane kyo zindagi ke roop mein mujhe milne aata hai koi

Baad-e-saba kabhi tu meharbaan ho ke bata aaye tujh ko
Ke hijr mein tere aansoo bahaata hai koi

zabardast :k::k:

7

kiya baat hai ! amazing !

8

bohat khoob..

9

Thank you Swera, Philanthrope, HeArT HaCKeR, Koyal, Vivacious, TajMahal and XkanwalX ...