Ruknay ka irada tha, guzar janay ki zid hai
Phr josh e musafat, kisi dewanay ki zid hai
Ham ne abhi, khushbu ki, kahani nahi kholi
Kyu’n shehr e lab o gosh ko, afsanay ki zid hai?
aabaad hai ujray ho’ey, chehro’n ki wafa se
ye shehr ke basti nahi, veranay ke zid hai…..
Reh reh ke usay dekhna, acha nahi lekin…
Her naqsh ko aankho’n me’n utar jaanay ki zid hai….
Apno kay wo andaaz, na pehlay se maraasim
Guzray ho’ey din raat ko, duhranay ki zid hai…
Maloom nahi wehshat e befaiz janu’n ko
Jeenay ki taman’na hai, ke marr janay ki zid hai…
Us reig e rawa’n se, gul o gulzaar ki khahish
Ye ishq nahi hai, kisi deewaney ki zid hai…
kis ramz ka aazaar khula chashm e janu’n par
ab hamko samajhnay ki, na samjhanay ki zid hai…
