I forget how the poem started, but remember that it ends like ‘ab hamari bari hai’
Something aandhi and ‘khemon ka ukhaRna’ in between.
Can anyone post here that Nazm.
Re: Help: Mohsin Naqvi's Nazm
ab hamri bari he.....hmm dhundne pare gi
abhi to ETHY RAKH SADA HAQ yad aa gaya
Re: Help: Mohsin Naqvi's Nazm
His son Saqib was a friend of mine (and class fellow). Let me try to find him online and ask him :D
Re: Help: Mohsin Naqvi's Nazm
ab hamri bari he.....hmm dhundne pare gi abhi to ETHY RAKH SADA HAQ yad aa gaya
dekhte hain pehle kon dhoond ke deta hai
Re: Help: Mohsin Naqvi's Nazm
His son Saqib was a friend of mine (and class fellow). Let me try to find him online and ask him :D
woe nice to know that TLK :)
Re: Help: Mohsin Naqvi's Nazm
dekhte hain pehle kon dhoond ke deta hai
nah TLK ko dhundne den :dania
Re: Help: Mohsin Naqvi's Nazm
I forget how the poem started, but remember that it ends like 'ab hamari bari hai'
Something aandhi and 'khemon ka ukhaRna' in between.
Can anyone post here that Nazm.
ye ghazal to Imran Khan Mian Sab se kehta rahta hai :p
Re: Help: Mohsin Naqvi's Nazm
Ab ye sochon to bhanwar zehan main parjate hain
Kese chehre hain jo milte hain bichar jaate hain
Kyun tere dard ko dain tohmat-e-wiraani-e-Dil
Zalzalon main to bhare shehar ujar jaate hain
Mosam-e-zard main ik dil ko bachaoon kese?
Aise rut main to ghan'ne per bhi jhar jaate hain
Ab koi kya mere qadmon k nishan dhondega?
Taiz aandhi main to kheme bhi ukhar jaate hain
Soch ka aayena dhundla ho to phir waqt k sath
Chand chehron k khado khaal bigar jaate hain
Shiddat-e-Gham main bhi zinda hon to herat kese?
Kuch diye tund hawaon se bhi lar jaate hain
Wo bhi kya loog hain "Mohsin" jo wafa ki khatir
Khud tarasheeda asolon pe bhi arr jaate hain
Re: Help: Mohsin Naqvi’s Nazm
Beautiful ghazal, but I’m looking for a Nazm… something Kheeme UkhaRna and yehi haal raha to ab hamari bari hai 
Re: Help: Mohsin Naqvi’s Nazm
I find that…
hamara kyaa hai keh hum tou charagh-e-shab kii tarah
agar jalay bhii tou bus itni roshnii hogi
keh jaisay tund andhairon kii raah main jugnoo
zara sii dair ko chamkay chamak kay khoo jaye
phir uss kay baad kisi ko na kuch sujhayee day
na shab katay na suragh-e-sehar dikhayee day
hamara kyaa hai keh hum tou pas-e-ghubaar-e-safar
agar chalay bhi tou bas itnii raah tay hog
keh jaisay taiz hawaon kii zad main naqsh-e-qadam
zara sii dair k ubhray, ubhar kay mit jaaye
phir uss kay baad na rastaa na rah-guzar milay
had-e-nigah talak dasht-e-bekinaar milay
hamarii simt na dekho keh koii dair main hum
qabeela-e-dil-o-jaan say bicharrnay waalay hain
basay basaaye howay shehar apnii ankhon kay
misal-e-khaanaa-e-veeraan ujarrrnay walay hain
hawa kaa shor yehii hai tou dekhtay rehnaa
hamarii umar kay khaimay ukharrnay walay hain
Re: Help: Mohsin Naqvi’s Nazm
