**hazaar ghum they meri zindagi akeli thi
Khushii jahaa.n kii mere vaaste paheli thi
vo aaj bach ke nikalate hain mere saaye se
k main ne jin ke liye ghum ki dhuup jheli thi
judaa howey na kabhi mujh se gardish-e-dauraa.n
meri hayaat ki bachapan se ye saheli thi
charhaa rahe hain vo hi aaj aastee.n mujh par
k jin k piith pe kal tak meri hatheli thi
ab un ki qabr pe jalataa nahii.n diyaa koi
k jin k dahar mein roshan bahut haveli thi
vo jhuk ke phir merii turbat pe kar rahe hain salaam
isi adaa ne to “Mahir” ki jaan le li thi
**