by Dr Muhammad Younas Butt
hum PIA k jahaaz per itna sawaar nahi rahay jitna wou hum per sawaar raha.Dr Tahir Aslam Goura nay Islam Abad say jou ataichi case jahaaz main rakhwaya thaa uss main ataichi tou yahan tak na pohuncha thaa sirf case hi pohunchaa tha.Uss main Goura Sahib k kapray thay,soucha PIA walou nay shayed iss leay na pohunchaya hou k Tashqund ka mahoul maghrabi haywaha kaprou ki kia zaroorat?
baher-haal Goura sahib iss per bhi khush thay k shuker hay main nay jou kapray pahnay hoeay hain un per PIA waloun ki nazer nahi paree.Waisay tou PIA say muraad hay ‘Pouhunchain gay Inshallah’.
jahaaz ki lerkhrahut daikh ker tou ake punjabi nay kaha thaa
“aey zaroor kujh P-I-A?”
jub k I - A say muraad hay Inform Allah or SAS say muraad hay “sex and satisfaction”.
Pakistan say airport say niklain tou her tarf mard hi mard nazer atay hain,wahan air port say niklay tou her taref ourtain hi ourtain nazer aeyn.Jis ki ake wajha tou yay thi k hamain nazer hi wou hi aeyn jou ourtain theen.Yoon lagaa jaisay yakdam black and white chalti film k baad rungeen film chalnay lagay or film bhi aisi k hum ghubhraa ker idhr udhar daikhnay lagay k kaheen koee daikhta hoowa na daikh lay:)