Abh Joo Daikhain Tu Koi Aaisee Bari Baat Na Thee
Yeh Shab o Roz o Mah o Saal Ka Pur Paich Safar
Qadray Aasan Bhee Hoo Sakta Tha !
Yeh Jo Her More Pay Kuch Uljhay Howay Rastay Hain
Inn Main Tarteeb Ka Imkaan Bhee Hoo Sakta Tha !
Hum Zara Dehaan Say Chultay Tu Woh Ghar
Jis Kay Baam o Dar o Dewaar Pay Veerani Hai !
Jis Key Her Subah Main Shamoo~n Key Pareeshanii Hai!
Uss Main Hum Chain Say Aabad Bhee Hoo Saktay Thay
Bakht Say Aman Key Rahain Bhee Nikal Saktii Theen
Waqt Say Sulah Ka Paymaan Bhee Hoo Sakta Tha
Abh Jo Daikhain Tu Buhat Saaf Nazar Aatay Hain
Saray Manzar Bhee, Pus Manzar Bhee
Laikin Iss Dair Khiyaali Ka Sila Kiya Hoo Ga?
Yeh Tu Sub Baad Key Baatain Hain Mairee Jaan, Inhain
Daikhtay, Soochtay Rehnay Say Bhala Kiya Hoo Ga?
Woh Joo Hoona Tha Howa—— Hoo Bhee Chuka
Waqt Key Looh Pay Likhii Howi Tahreer Kay Harf
Khat e Tanseekh Say Waqif Hee Nahee
Bhakht, Maktab Kay Register Key Tarah Hoota Hai
Apnay Number Pay Joo Lubbaik Nahee Keh Paatay
Unn Ka Kuch Uzr Nahee —— Koi Bhee Faryaad Nahee
Yeh Woh Taaiyar Hain Jinhain Apni Nawa Yaad Nahee
Line-nain Kat-ti Raheen Lafz Badalnay Kay Sabub
Koi Tahreer Musalsal Nahee Hoonay Paie
Hasil e Umer —- Yehi Chund Adhooray Khakay !
Koi Tasveer, Mukamil Nahee Hoonay Paie……….
Re: Hasil e Umer —- Yehi Chund Adhooray Khakay !
Hasil e Umer —- Yehi Chund Adhooray Khakay !
Koi Tasveer, Mukamil Nahee Hoonay Paie……….
:k:
yahan kisi ko mukammal jahan nahin milta
kise zameen nahin milta kise aasman nahin milta
Re: Hasil e Umer —- Yehi Chund Adhooray Khakay !
Tasveer mukammal kernay ki koshish is important thing ..rest is pure luck