Hasrat hai kabhi saamne tujhe baithey dekhoon
Main tujh se mukhaatib hoon tera haal bhi puchoon
Dil mein hai mulaqaat ki khwahish ki dabi aag
Yeh dard bhare dil ko chupaa kar kahan rakhoon
Jis naam se tu ne mujhe bachpan se pukaara
Ik umr guzarne pe bhi woh naam na bhuloon
Tu ashk hi ban ke meri aankhon mein sama ja
Main aaina dekhoon tau tera aks bhi dekhoon
Puchoon kabhi ghunchon se, sitaron se, hawa se
Tujh se hi magar aa ke tera haal na puchoon
Aye meri tamanna ke sitaare tu kahan hai
Tu aaye tau yeh jism shab-e-gham ko na saunpoon
