Salamz.. i just wanna ask u guys to post da saddest most saddddddest shairs or ghazalz u guys ever read?
Actually i collect sad shairz aur kafi arsey se koi aisa shair nahin perha jisney dil ko chooa hoi..
i m lookin forward to read some best stuff now 
i like dard-naak shairs too..:(
i also like such shairz, aapkay pas agar koi achay achay hoon to post them here, mujhay zyada yaad to naheen hain lekin the best ghazals i'll say are 2, both are of nayyara noor
1) Aye Jazbae Dill gar main chahoon
2) Aye Ishq Humain barbad na kar
ye sunain aap aur phir batain
Aaaah .... ! This is the rite place for me, I think !
I will definately come back with some heart-touching collection... Hope you all awaits my reutrn !
:)
Re: Has ne ghazal ever made u cry?
[QUOTE]
*Originally posted by XkanwalX: *
Salamz.. i just wanna ask u guys to post da saddest most saddddddest shairs or ghazalz u guys ever read?
Actually i collect sad shairz aur kafi arsey se koi aisa shair nahin perha jisney dil ko chooa hoi..
i m lookin forward to read some best stuff now :)
[/QUOTE]
Kanwal... Is kadar dukh se lagaoo kab se hogaya?
Khayal rahay, kuch dard aise bhi hotay hain jo ek baar dil ko cho lay tu dil se wapsi ka rasta bhool jatay hain !
Aadmi toot'ta hai kaisay, tumhein kya maloom
Tum ne dekha hi nahe dard ka lamha koi !!!
well here r some stuff!
Shab-e-Intezaar ki kashmakash mein na pooch kaise sehar huwi
Kabhi ik chirag jala diya, kabhi ik chirag bhuja diya !
Dua tu najanay kaun si Thee,
zehan main nahi,
baas itnna yaad hai
kay do hatheliyaan mili hui theen,
jin main aik meri thee,
aur Aik tumharee!
(perveen shakir)
mujhe tum nazar se gira to rahay ho,
mujhe tum kabhi bhi bhula na sakoge.
na jaane mujhe kyoon yaqeen ho chala hai,
meri yaad ko tum mitaa naa sakoge!
meri yaad hogi jidhar jaaoge tum,
kabhi naghma ban ke, kabhi ban ke ansoo.
tarapataa mujhe har taraf paaoge tum,
shama jo jalaayii meri vafaa ne,
bujhaanaa bhi chaaho bujhaa naa sakoge!
kaabhi naam baatoon mein aaya jo mera,
to bechain ho hoke dil thaam loge.
nigaahoon pe chaayegaa Ghum ka andhera,
kisi ne jo pochaa sabab aassoon ka,
bataanaa bhi chaho bataa naa sakoge!
mere dil ki dharkan bani hai jo sholaa,
sulagate hain armaan yoon ban-ban ke aansoo.
kabhi to tumhein bhi ye ehsaas hogaa,
magar ham na honge teri zindagi mein,
bulana bhi chahoo bulaa na sakoge!
Hope you all like it !
“Tum se kuch nahee kehna
chahay dil ki har khuahish
zindagi ki aankhon se
ansoo ban k beh jaye
aur ham is badan k malbay main
khud he kiyon na dab jaain
tum se kuch nahi kehna
ghir gaye hain ghaton main
belibas baton main
is tarha ki raton main
kab charagh jaltay hain
kab azab taltay hain
ab to in azabon se
bach k bhi nikalnay ka
raasta nahi jana
tum se kuch nahee kehna
ham ne soch rakha hay”
“aa kisi sham kisi yaad ki dehleez pe aa
umer guzri tujhay dekhay huay behlaye huay
yaad hay?
Ham tujhay dil mantay thay
Apnay seenay main machalta hua ziddi bacha
Teray har naaz ko ungli se pakar kar aksar
Nit naye khuab k bazaar main le aatay thay
Teray har nakhray ki farmaish par
Aik jeevan ki tamannaon ki beenai se ham
Dekhtay thaktay na thay
Sochtay thay
Aik chota sa naya ghar
Naya mahol
Mohabbat ki fiza
Ham dono
Aur kisi baat pe takiyon se larai apni
Phir larai main kabhi hanstay huay ro parna
Aur kabhi rotay huay hans parna
Aur thak haar kar gir parnay ka masoom khushi bakhsh khayal
Yaad hay?
Ham tujhay sukh jantay thay
Raat hans deti thi besakhta rawish se teri
Dil teri doori se ro parta tha
Yaad hay?
Ham tujhay jaan kaha kartay thay
Teri khamoshi se mar jatay
Teri aawaz se jee uthtay thay
Tujh ko choo lenay se ek zindagi aa jati thi
Sharyano main
Thaam lenay se koi shehr sa bas jata tha veerano main
Yaad hay?
Ham tujhay milnay k liye
Waqt se pehlay pohanch jatay thay
Aur mulaqat k baad
Ham bohat der se ghar aatay to kehtay k hamain
Kuch na kaho ham bohat duur se ghar aaye hain
Is qadar duur se ghar aaye hain k shayad he koi aaya ho
Yaad hay?
Ham tujhay Khuda samajhtay thay magar kufr se dar jatay thay
Teray chin janay ka dar theek se rakhta tha
musalman hamain
aa kisi sham kisi yaad ki dehleez pe aa
teray bhoolay huay raston pe liya phirta hay
emaan hamain
aur kehta hay k pehchan hamain
yaad hay ?
ham tujhay emaan kaha kartay thay”
(more on request)
Re: Re: Has ne ghazal ever made u cry?
Arif bhai dard keya hae ghazalg ya lamhayg 
hahahahah
keya dard hae mian arif bhai ager muhabat ka gham hae to app ka kehna key app ko lamhay g sey muhabat hae abb yeh to yahen hae
pher kunsa gham 
kehin app dono ke vo lareye ke behus
barson bad wali posting mein such to nahe keha tha app ney
Kanwal g muzarat app ke posting mein ye sabb likha
Here are a couple more... !
Bichar kar tujh se zinda hoon meri taqdeer tu dekho
Kabhi aa kar mere halaat ki tasveer tu dekho
Mujhe mehfil mein dekha tu kaha us ne raqeboon se
Mera aashiq, mera paagal, mera dargeer tu dekho
Teri tasveer ke peeche hain jaalay bewafaee ke
Ullat kar tum zara apni, kabhi tasveer tu dekho
De kar pyar ki daulat khareeday khoon ke aansoo
Milli jo ishq mein, zara jageer tu dekho
Likha hai naam Saahil ka shararat hai raqeboon ki
Yeh khat mera nahee janaan, zara tehreer tu dekho
=========
Mere is khoon ke cheentay, tujhe badnaam na kar dain
Kahaani bewafai ki kaheen yeh aam na kar dain
Mano baat Saahil ki inhein tum dhoo lo chupke se
Kaheen yeh tujh per sabit qatal ka ilzaam na kar dain
Mere is khoon ke cheentay zara daaman se dhoo lena
Kisi ko shak na ho jaaye zara maeyyat pe ro lena
Teri aankhoon mein ab tak bhi laho ka rang baaki hai
Mujhe dafna ke aaoo tu zara kuch deir soo lena
Mile gar tujhko fursat is jahaan mein aish-o-ishrat se
Jo aaye kaam aakhir mein koi aisa beej bo lena
Akele beth kar zaalim meri yaadon ke saaye mein
Is maqtool ki khatir na dil ka chain kho lena
Jab aaoo kabr pe meri tu khaali haath na aana
Yeh Saahil rasm-e-duniya hai zara do gul paro lena
Re: Re: Has ne ghazal ever made u cry?
[QUOTE]
*Originally posted by arifnawaz: *
Kanwal... Is kadar dukh se lagaoo kab se hogaya?
Khayal rahay, kuch dard aise bhi hotay hain jo ek baar dil ko cho lay tu dil se wapsi ka rasta bhool jatay hain !
Aadmi toot'ta hai kaisay, tumhein kya maloom
Tum ne dekha hi nahe dard ka lamha koi !!!
[/QUOTE]
arifnawaz jee.. :) mughe to dukh se koi lagaoo nahin..but i think ..dukh ko mughse kafi lagaoo hai..lol
neways.. mughe sad shairy bohat pasand hia..its my way of forgettin ma probz :)
Re: Re: Re: Has ne ghazal ever made u cry?
lol its ok Munir ..maazrat karney waley koi baat nahin..
waisey yahan chakkar kya hai??
and thank u evione for ur contributions..but keep it comin still :-P
mera dil abhi tak nahin bhara itney se aashaa'r se..
mughe aur dhoond ker ladain..hehe :)
not yet
KARAY SAFER MIAN AGER RAASTA BADELNA THA
KARAY SAFER MIAN AGER RAASTA BADELNA THA
TU IBTIDA MIAN MERY SATH HI NA CHULNA THA
KUCH ISLIAY BHI TU SOORAJ ZAMEEN PEY UTRA HAI
PAHARION PAY JAMI BARF KO PIGHALNA THA ..!!!
UTER K DIL MIAN LAHO ZEHER KAR GAYA AKHIR
WO SAANP JIS KO MERI AASTIN MIAN PALNA THA
YEH KAI K TOHMATAIN ATISH FISHAN K SAR AAIN?
ZAMEEN KO YUN BHI KHAZANA KABHI UGELNA THA
MIAN LAGHZISON SAY ATY RASTAY PAY CHUL NIKLA
TUJHAY GANWA K MUJHAY PHIR KAHAN SUMBHULNA THA
ISI KO SUBHE MUSAFAT NAY CHOOOR KAR DALA
WO AAFTAB JISAY DOPEHER MIAN DHULNA THA
AJAB NASEEB THA MOHSIN K BAD_E_MARG MUJHAY
CHIRAGH BAN K KHUD APNI LEHED MIAN JALNA THA
Zakhmoon se to nijaat mili, tum na mil saky
Mujh ko meri heyaat mili, tum na mil saky
Khud apni zindagi hi har ek rah par mujhe
Ban ban ke hadsaat mili, tum na mil saky
Jana teri talash main kya kuch nahin mila
Ye sari kaynaat mili, tum na mil saky
Hum aasmaan se teh main samandar ki agiray
Phir rezah rezah zaat mili, tum na mil sake
Hum ak hoon ge ye bhi tamna hazar ki
Tafreeq zaat o paat mili, tum na mil sake
Hum se gareebe shaihar ko teri talash main
Har qadam pe maat mili, tum na mil sake
tanhayi se baateN kartay shaam guzari hay
lamha lamha jeetay martay shaam guzari hay
uss ki be-mehri meN bhi kuch dosh humara hay
tohmat apni zaat peh dhartay shaam guzari hay
wo jaanay kiss ghar aangan ki raunaq bann baitha
jiss ki yaad meN aaheN bhartay shaam guzari hay
doobta sooraj dekh kay dil bhi doobnay lagta hay
hum nay apni jaaN se guzartay shaam guzari hay
phir aayay gi raat, wohi dukh jaag uthay ga phir
Saahil hum nay dartay dartay raat guzari hay
Pyar par bus to nahi hai mera, Lekin phir bhi
Tu bata day ke tujhe pyar karun ya na karun
Mere khwaabon ke jharokon ko sajaane waali
Tere khwaabon emin kahin, Mera guzar hai ke nahi
Pooch kar apni nigaahon se, Bata de mujhko
Meri raaton ke muqaddar mein, Saher hai ke nahi
Pyar par bus to nahi hai mera, Lekin phir bhi
Kahin aisa na ho paon mere theher jaayain
Aur teri maaramaari baahon ka sahara na mille
Ashk behte rahay, Khaamosh siya raaton mein
Aur tere reshmi anchal ka kinaara na mille
Pyar par bus to nahi hai mera, Lekin phir bhi
Shola hoon bharakne ki guzaarish nahee karta
Sach munh se nikal jaata hai koshish nahee karta
Girtee huwi deewar ka hamdard hoon lekin
Charte huwe suraj ki parastish nahee karta
Maathay ke paseene ki mehak aye tu dekhein
Woh khoon mere jism mein garidsh nahe karta
Hamdardi-e-Ehbaab se darta hoon 'Saahil'
Mein zakhm to rakhta hoon numaesh nahee karta
Hum Ko Zamaney Ne Gustakh Banaya Hai Saahil
Hum To Yun Chup They K Tasveer Howa Kartey They
Itna Acha To Na Tha Naam Hamara Laiken
Hum Tairey Hath Pe Tahreer Howa Kartey They
mughe kyu rulah rehei hei sub:teary2: