Har Roz Imtehaan Se Guzara To Mein Gaya
Tera To Kuch Gaya Nahi Mara To Mein Gaya
Jab Tak Mein Teray Pass Tha Bus Teray Pass Tha
Tu Ne Mujhe Zameen Pay Utara To Mein Gaya
Shal Ungliyon Se Thaam Rakha Hai Chataan Ko
Chhoota Jo Hath Se Yeh Kinara To Mein Gaya
Apni Anaa Ki Aahani Zanjeer Torr Kar
Dushman Ne Bhi Madad Ko Pukara To Mein Gaya
Yeh Taaq Yeh Charaagh Meray Kaam K Nahi
Aaya Nazar Nahi Woh Dobara To Mein Gaya
Teri Shikast Asal Mein Meri Shikast Hai
Tu Mujh Se Aik Baar Bhi Hara To Mein Gaya