**Har lamha zulmat ki khudaai ka waqt hai
Shayid kisi ki chehra-numaai ka waqt hai
Kehti hai saahilon se ye jaate sammey ki dhoop
Hushyar! nadiyon ki charhai ka waqt hai
Hoti hai shaam, ankh se ansu rawaa’n hue
Ye waqt qaidiyon ki rihaai ka waqt hai
Koi bhi waqt ho, kabhi hota nahi juda
Kitna azeez us ki judaai ka waqt hai
Dil ne kaha ke shaam shabb-e-wasl se na bhaag
Ab pak chuki hai fasal, katai ka waqt hai
Mene kaha ke dekho ye main, ye hawa, ye raat
Us ne kaha ke meri parhai ka waqt hai.**
