Har Ek Zakhm ka Cehra Gulaab jesa tha
Mager yea jagta manzer bhi khawab jesa tha
yea talkh talkh saa lehja, yea tez tez say baat
mizaj-e-Yaar ka Aalam sharab jesay hay
mera sukhan bhi chaman der chaman safaq ke phawaar
tera badan bhi mehaktay gulaab jesa hay
bada taweel, nahayet hasee_n, bohat mubhim
mera sawaal teray jawaab jesa hay
tou zindage k haqa’ek ke teh main youn naa uter
k iss zindage ka baha’o Chanab jesa hay
Teri nazer he nahi harf Ashna werna
Har Ek chehra yahan Kitaab jesa hay
Chamak Uthay tou samander, Bhujay tou rait ke lehar
Meray khayal ka dariya saraab jesa hay
Teray kareeb bhi reh kar naa paa sakoon tujh ko
Teray khayal ka jalwa Habaab jesa hay