haq vafaa kaa jo ham jataane lage
aap kuchh kahake muskuraane lage
ham ko jiinaa pa.Degaa furqat me.n
vo agar himmat aazamaane lage
[furqat = separation]
Dar hai merii zubaa.N na khul jaaye
ab vo baate.n bahut banaane lage
jaan bachatii nazar nahii.n aatii
Gair ulfat bahut jataane lage
tum ko karanaa pa.Degaa uzr-e-jafaa
ham agar dard-e-dil sunaane lage
[uzr-e-jafaa = reason for being unfaithful]
bahut mushkil hai shevaa-e-tasliim
ham bhii aaKhir ko jii churaane lage
[shevaa-e-tasliim = style of greeting]
vaqt-e-ruKhsat thaa saKht “Hali” par
ham bhii baiThe the jab vo jaane lage
[vaqt-e-ruKhsat = time of separation; saKht = difficult]
**
سكورپین کنگ
§©ö®Þïoñ_kîñg
**
Even If You Are Basically Stupid
You Can Still Meet Nice People !