jab yunhi kabhi bethey bethey
kuch yaad achanak aa jaye
har baat say dil beyzaar sa ho <O:p</O:p
har cheez se dil ghabra jaye
karna bhi mujhe kuch aur hi ho
kuch aur hi mujhse ho jaye
kuch aur hi soochon main dil mein
kuch aur hi hontoon per aaye
aisay hi kisi aik lamhay mein
chupke se kabhi khamoshi mein
kuch phool achanak khil jayien
kuch beetay lamhay yaad aien
us waqt teri yaad aati hai
jab chandni dil ke aangan mein
kuch kehne mujhse aa jaye
ik khwabeda se choot koi
ehsaas pe mere chaa jaye
jab zulf pareshaan chehre pe
kuch aur pareshaan ho jaye
kuch dard bhi dil mein honey lage
aur saans bhi bojhal ho jaye
aisay he kisee aik lamhay mein
chupke se kabhi khamoshi mein
kuch phool achanak khil jayien
us waqt teri yaad aati hai
jab shaam dhalay chalte chalte
manzil ka na koi naam miley
hansta hua ik aaghaz miley
rota hua ik anjaam miley
palkoon kay laraztay ashkoon se
is dil ko koi pegham miley
aur sari wafaoon kay badley <O:p
mujh ko hi koi ilzaam miley
aisay hi kisi aik lamhay mein
chupke se kabhi khamoshi mein
kuch phool achanak khil jayien<O:p</O:p
kuch beetay lamhay yaad aayien