Tumhara naam kuch aaisey mere honton pe khilta hai
Aandheri raat mein jaisey
Achanak chand badal ke kisi koney se bahir jhankta hai
Aur saarey manzaron mein roshni si phel jati hai
Keli jaisey,larzti oos ke katrey pehan ker muskarati hai
Badalti rut,kisi manoos se aahat ki dali le ke chalti hai
Tu khusboo baag ki deewar se rokey nahi rukti
Iisi khusboo ke dhagey se mera har chak silta hai
Tumharey naam ka tara meri saanson mein khilta hai
Tumhey main dekhta hoon jub safer ki shaam se pehley
Kisi uuljhi hoyi gumnaam se chinta ke jadoo mein!
Kisi soochey hoye benaam se lamhey ki khusbbo mein!
Kisi mosam ke daman mein,kisi khawaish ke pehlo mein!
Tu iis khush rang manzer mein tumhari yaad ka rasta
Najaney kis taraf se phottta hai
Aur phir aaisey meri har raah ke hamrah chalta hai
Ke aankhon mein sitaron ki guzargahein si banti hain
Dhank ki kehkashayein si
Tumharey naam ke iin khushnama hurfon mein dhalti hain
Ke jin ke lams se honton pe jugnoo raks kartey hain
Tumharey khawab ka rishta meri neendon se milta hai
Tu dil aabad hota hai
Mera har chak silta hai
Tumharey naam ka tara meri raaton mein khilta hai.
By:Amjad Islam Amjad