Hamsafer ho koi chand jaisa
**Raat chaht par tanha beithi **
**Mein pooray chand ki **
**Tilasmi chandani main gum thi **
**Achanak **
**Chand nay meray kaan main **
**sargoshi ki **
**Aaj ki raat tum zamee’n per tanha ho **
**Aao tumhain mein aasma’n ki sair karwaoon **
**Phir woh meree ungali tham ker **
**Badloo’n say bani rawash per chal pada **
**Kuch sitaroo’n nay mujhay dekh ker **
**Hairat say palkein jipkain **
**Aor kuch mujhay **
**Chand k sang dekh ker muskura diyey **
**Chanda nay mujhay kaii **
**Khushboo k jazeeray dikhay **
**Kehkashaoo’n say mera taruf kerwaya **
**Dhanak rang paroo’n wali **
**Nani paryoo’n nay **
**Mujhay khushamdeed kaha **
**Yak dam **
**Hawa ka aik jhonka **
**Meray chehray ko choo ker guzra **
**Mein nay chonk ker aankhein khool dein **
**Dekha to chand **
**Badli ki aot say **
**Mujhay dekh ker muskura raha tha **
**Mein bhi apni nadani per **
**Muskura dii **
**Mager **
Chand pagla kion muskuraya ?
sacchiiiiiiiiiiiii