duniya ki lambii rahoon per hum yun tu chaltey jatey hain
kuch aisey bhi log miltey hain jo yaad hamesha atey hain
woh rahh badeltey hain apni aur mur ker haath hilatey hain
lekin woh dilon ki yaadon ko khusboo ban ker mehkatey hain
aisey hi safer kertey kertey ek shukhss mila mujh ko bhi kahin
duniya main achey loog buhut per us jaisee baat nahi
woh dheemey lehjey wala aur woh dheerey dheeray hansta tha
jitney bhi loog miley mujh ko such poocho woh sub sey acha tha
thi mithaas us ki batoon mein, her bol us ka dil mein utarta tha
us key fiqrey totey totey us ki ankhain khoii khoii
kehay hi na jo ham chahain socha hi karey betha betha
per dekhey aisi nermi sey ik baar tu khagayee mein dhoka
go saath hamara khoob raha us ki hui pehchan buhut
ger pooch loon dil ki baat kabhi ho jata tha heraan buhut
aur ham us ki herani per sherminda hoo ker reh jatey
kuch aur hamara mutlab tha phir dair talak yehi samjhatey
ab chehra us ka ujla ho ya ankhain hoon gehrii buhut
yaa us key pyarey hoontoon ki her baat lagey payari buhat
kuch log jo achey hotey hain aur rahon main mil jatey hain
hain un ko apney kaam buhut kab apna waqt gunwatey hain
kab pyasey pyasey rehtey hain kab ji ka rog lagatey hain
aisay laug to ham hee hein jo aisay hee kho jaatay hain
aur phir ik din chor ker, woh bhee door chalay jaatay hain
per dil mein woh ik khaali si jagah chor jaatay hain
aur aisay laug hamesha
hamesha yaad aatay hain
Re: HAMESHA YAAD ATHEY HAIN
hmm... Buhat khoob Ishrat ji
Re: HAMESHA YAAD ATHEY HAIN
Good one! Thanks.
Re: HAMESHA YAAD ATHEY HAIN
thnx sara n farooq
Re: HAMESHA YAAD ATHEY HAIN
nice starting welcome on GS
Re: HAMESHA YAAD ATHEY HAIN
:k:
Re: HAMESHA YAAD ATHEY HAIN
bahot khoob.......ishrat ji......ise parkar hame bhi koi yaad aa gaya.....thnx