**Yeh dharti falak sab nizaarey tirey hain **
Darya , samundar , kinarey tirey hain
Asmanon key beech our Baalay_e_khaak
Zere_e_aab bhi sab shumaarey tirey hain
Har shay mein posheeda tiri zaat hai
Hikmat sey hi Fun Paarey tirey hain
Shaam_o_Sehar bey waja nahi hain
Mudalel hain yeh keh Ishaarey tirey hain
Sab kuch hai Faani tiri Zaat Daaim
Yeh khalqat teri istiaarey tirey hain
Yeh rishtey , yeh bandhan tiri dein Moula
Zamaney mein Mujh ko saharey tirey hain
by : Mazhar