Mere hathon se mere hoonton se khushboo jati nahin
Maine Ism e Muhammad ko likha bhi boht aur chooma hai boht
lets share Hamd o Naat poetry in this thread.
Re: Hamd o Naat - Poetry
Zahir ki ankh se na tamasha kare koi,
Ho dekhna to deeda-e-dil wah kare koi,
Parh bethay kiya samajh ker bhala toor per kaleem
Takkat ho deed ki to taqaza kare koi
Ilahi teri chokhat per bhikari ban ker aya hoon,
Sarapa faqr hoon, ijz-o-nadamat saath laya hoon,
Bhikari woh ke jis ke paas jholi hai na payala hai,
Bhikari woh jisey hiras-o-hawas nay maar dala hai,
Mata-e-deen-o-danish, nafs ke hathon se lutwa ker.
Sakoon-e-qalb ki daulat hawas ki bhent charha ker,
Lutta ker sari poonji ghaflat-o-issyan ki daldal mein,
Sahara lene aya hoon tere kaabay ke aanchal mein,
Gunahon ki lipatt sey, kaynat-e-qalb afsurda,
Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.
Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.
Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.
Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,
Sarapa faqr hoon, ijz-o-nadamat saath laya hoon.
Kalaam By: Mufti Taqi Usmani
Re: Hamd o Naat - Poetry
Ki Ki Na Kita Yaar Ney Eik Yaar Waste
Rab Mehfilan Sajayan Ney Sarkar Waste
Dil Yaad Lai Banaya Wey Tareef Lai Zuban
Akhian Baraian Sohnaay Dey Dedar Wasty
Sadqa Nabi De Aall da Bakhshy Khuda Shifa
Mango Duawan Mery Jay Bimar Wasty
kaian Noo Rooz Hondy Ney Dedar Aap Dey
Kai Taras Dey Ney Sohnaay Dey Dedar Wasty
Rehmat Udey Ne Ley Liya Apni Panah Dey Wich
Paaye Jado Mey Sohnaay Dey Do Char Wasty
Guzry Niazi Zindage Ishq E Nabi Dey Wich
Naatan Mey Parh da Rawan Sohnaay Sarkar Wasty
Ki Ki Na KIta Yaar ney Eik Yaar wasty
Rab Mehfilan Sajayan Ney Sarkar Wasty
Re: Hamd o Naat - Poetry
Ae Ishqe Nabi Mere Dil Main Bhi Sama Jana,
Mujh Ko bhi Mohammad ka Diwana Bana Jana.
Jo Rang Ke Jami Per Roomi Pe Chadaya Tha,
Us Rang Ki Kuch Rangat Mujh Pe Bhi Chda Jana.
Jis Khwab Mein Ho Jaye Didar E Nabi hasil,
Ae Ishq kabhi Mujhe ko Nind aysee sulajana.
Qudrat Ki Nigahe Bhi Jis Chahre Ko Taq tee hain.
Us chahar-E-Anwar ka Didar Kara Jana.
Duniya se Riyaz ho jab Uqba ki taraf jana,
Dagh-e-gham-e-Ahmed se seine ko saja jana.
Ae Ishq E Nabi Mere Dil Main bhi Sama Jana.
Mujhe ko Bhi Mohammad ka Diwana banajana.
Re: Hamd o Naat - Poetry
Kisi gham gusaar kee mehnaton ka yeh khoob main ne silaa diya
Kay jo mere gham main ghula kia usay main nay dil se bhula dia
Jo jamaal e rooh e hayaat tha, Jo daleel e raah e nijaat tha
Usi raah-ber k naqoosh e paa ko musaafiron nay mita dia
Main tere mazaar kee jalion hee ki midhaton main magan raha
Tere dushmanon ne tere chaman main khizaan ka jaal bichha diya
Tere husn e khulq ki ik ramaq meri zindagi main na mil saki
Main isi main khush hoon kay shehr kay dar o baam ko to saja diya
Tere saur o badr kay baab kay main waraq ulat kay guzar gya
Mujhay sirf teri hikayaton kee riwayaton nay maza dia
Yeh meri aqeedat e bay basar Yeh meri riyazat e bay hunar
Mujhay mere daawa e ishq nay na sanam diya na khuda dia
Tera naqsh e paa tha jo raah numa, to ghubaar e raah thee kehkashan
Isay kho dia to zamanay bhar nay humain nazar se gira dia
Kabhi aay inaayat e kam nazar, tere dil main yeh bhi kasak hui
Jo tabassum e rukh e zeest tha, usay tere gham nay rula dia
(By Inayat ullah Khan)
Re: Hamd o Naat - Poetry
kat jae sari umr tere zikr e paak main
mil jae meri khaak madine ki khaak main
Na tera khuda koi or hy
Na mera khuda koi or hy
Ye jo fasly hain juda juda
Ye maamla koi or hy
Re: Hamd o Naat - Poetry
Tu Ameer-E-Haram Main Fakir-E-Ajam
Tere Gun Aur Ye Lab Mein Talab Hi Talab
Tu Ata Hi Ata Main Khata Hi Khata
Tu Kuja Man Kuja Tu Kuja Man Kuja
Tu Hai Ahram-E-Anwar Bandhay Huay
Main Duroodon Ki Dastar Bandhay Huay
Kaba-E-Ishq Tu Main Tere Charsu
Tu Asr Main Dua Tu Kuja Man Kuja
Maira Har Saans To Khoon Nichorhay Maira
Tairee Rehmat Magar Dil Na Toorhay Maira
Kasa-E-Zaat Hoon Tere Khairaat Hoon
Tu Sakhi Main Gada Tu Kuja Man Kuja
Tu Haqeequat Hai Main Sirf Ihsaas Hoon
Tu Samandar Main Bhatki Hui Pyas Hoon
Maira Ghar Khaak Par Aur Teri Reh Guzar
Sidratul Muntaha Tu Kuja Man Kuja
Dagmaga Hoon Jo Halaat Kay Samnay
Aayay Tera Tasawr Mujhay Thamnay
Mairee Khush Kismati Main Tera Umati
Tu Jaza Main Raza Tu Kuja Man Kuja
Duriaan Saamnay Say Jo Hathnay Lageen
Jalioon Say Nigahain Lipatnay Lageen
Aansoonoon Ki Zuban Ho Mairee Tarjuman
Dil Say Niklay Sada Tu Kuja Man Kuja
Tu Ameer-E-Haram Main Fakir-E-Ajam
Tere Gun Aur Ye Lab Mein Talab Hi Talab
Tu Ata Hi Ata Main Khata Hi Khata
Tu Kuja Man Kuja Tu Kuja Man Kuja
Tu Ameer-E-Haram : Alhaaj Khursheed Ahmed - YouTube](http://www.youtube.com/watch?v=gN9O4GhN-88)
Re: Hamd o Naat - Poetry
Teri jaliyon ke neeche, teri rehmaton ke saaye
Jise dekhni ho Jannat, woh Madina dekh aaye
Taiba ko jaanewale, tujhe deta hun duaein
Dar-e-Mustafa pe jaake, tu jahan ko bhul jaaye
Rauze ke saamne main, yeh duaein maangta tha
Meri jaan nikal to jaaye, yeh samaa badal na jaaye
Lo chala hun main lahed mein, mere Mustafa se keh do
Keh hawa teri gali ki, mujhe chodne ko aaye
Wohi ghumgusar mera, who zahur-e-yaar mera
Meri kabr par jo aaye, Naat-e-Nabi sunaye
TERI JALION KE NEECHAY TERI REHMATON KE SAYE - YouTube](http://www.youtube.com/watch?v=SQxNW5IpBuI)
Re: Hamd o Naat - Poetry
Parwardigar-e-behr-o-bar, Parwardigar-e-behr-o-bar
aye Malik-e-jin-o-bashar, ta’bey Tere shams-o-qamar
her shaye Tere zer-e-asar, Parwardigar-e-behr-o-bar
Ma’bood Tou hi bilyakeen, Tere siwa koi nahi
kya asman or kya zameen, kham hai jahan sab ki jabeen
bas aik Tera astaan, bas aik Tera sang-e-dar
bas aik Tera sang-e-der, Parwardigar-e-behr-o-bar
woh taa’iran-e-khush’nawa , woh leh’lahatey sabza-zar
woh zarra-e-nacheez ho, ya kohsaron ki qataar
tasbih hi kartey hain Teri, sab bey-hisab-o-beshumar
ghafil hain ham insan mager, Parwardigar-e-behr-o-bar
Tou Wahid-o-Barhaq bhi hai, Tou Qadir-e-Mutlaq bhi hai
Ya Rab ba-haq-e-Mustafa(SAWW), Tou bakhsh dey, apni khata
iss millat-e-mazloom ko, iss ummat-e-marhoom ko
dey zindagi, kar zinda-tar, Parwardigar-e-behr-o-bar
hain waqt k kharon main ham, aafaat key gharon main ham
lagti hain apni boliyan, ruswa hain bazaron main ham
be-shak sare-e-fehrist hain, Tere gunah-garon main ham
phir bhi hai yeh Qur’an main, yani Tere Farmaan main
La Takna Tu, La Takna Tu, Sattar Tou, Ghaffar Tou
pehchan hai rehmat Teri, hai shan Teri darguzar
hai shan Teri darguzar, Parwardigar-e-behr-o-bar
detey hain Tujh ko wasta, ham Sahib-e-Meraj ka
sare zamaney hain Terey, sare khazaney hain Terey
Tou waqt ki raftar ko, ik bar phir sey mor dey
ham aasiyon key hath mai, ghairon ka jo kashkol hai
qudrat se apni tor dey, aye Raziq-e-shah-o-gada
aye Khaliq-e-sham-o-seher, Parwardigar-e-behr-o-bar
phir samney fir’on hai, khoon rang hai darya-e-neel
phir aatish-e-namrood ki, zad main hai awlad-e-Khaleel
fitna-garon ki chal se, wakif hai Tou Rab-e-Jaleel
phir sey ababilon ko bhej, phir aag ko gulzar ker
phir aag ko gulzaar ker, Parwardigar-e-behr-o-bar
ik hashr hai charon taraf, dushman kharey hain saf-ba-saf
kya but-paraston sey gila, apney bhi hain khanjar ba-kaf
Musa(AA)-o-Eisa(AA) key Khuda , Islam hai sab ka hadaf
ehsas dey tofeeq dey, phir jazba-e-Siddique(RA) dey
phir se koi Khaiber-Shikan(RA), phir bhej dey koi Umer(RA)
phir bhej de koi Umer(RA), Parwardigar-e-behr-o-bar
Parvardigaar-e-Behr o Bar - Khurshid Ahmed (my favourite) - YouTube
Re: Hamd o Naat - Poetry
Sajdon ke iwaz firdos miley yeh baat mujhe manzoor nahin,
Be-laus ibaadat karta hon, banda hoon tera mazdoor nahin..
Re: Hamd o Naat - Poetry
Nawaza jo kuch bhi mere Khuda ne mujhe,
Peechey waseela mere sarkaar ka hai,
**
**Gaye jo aap “Sidratul-Muntaha” se bhi agey,
Rutbaa kitna ooncha mere sarkaar ka hai,
Ghulami-e-Rasool mein baha de gaye lahuu bhi apna,
Mera jism, Meri rooh, Sabhi mere sarkaar ka hai..
Re: Hamd o Naat - Poetry
Ya Rab teri Sana ka saleeqha nahi mujhay
Bus likhdeta hoon pyari jo teri ada lagay
Main kuch aur nahi mangta mere moula
Faqat seerat woh ata kar ke sarkar ka gada lagay