USS DAR KA DARBAN BANA DE YA ALLAH
MUJH KO BHI SULTAN BANA DE YA ALLAH
UN AANKHON SE TERE NAAM KI BARISH HO
PATTHAR HUN INSAN BANA DE YA ALLAH
SEHMA DIL, TOOTI KASHTI, CHADHTA DARIYA
HUR MUSHKIL AASAN BANA DE YA ALLAH
MAIN JAB CHAHOON JHANK K TUJH KO DEKH SAKOON
DIL KO ROSHANDAAN BANA DE YA ALLAH
MERA BACHCHA SAADA KAGHAZ JAISA HAI
IK HARF-E-IMAAN BANA DE YA ALLAH
Muslim ko Mussulmaan bana de ya Allah,
Tere deen ka nigh-e-baan bana de ya Allah,
Toott parha hai Kafir Tere Nabi ki Ummat par,
Barish Kafir par teer kamaan bana de ya Allah,
Aansuon say mangta hoon main ab yeh Dua,
Muslim ki Dua ko Fatah ka samaan bana de ya Allah.
:(
excuse my ignorance of literature, but how does this piece of poetry qualify as a “hamd”… 
[QUOTE]
*Originally posted by Lajawab: *
Muslim ko Mussulmaan bana de ya Allah,
Tere deen ka nigh-e-baan bana de ya Allah,
Toott parha hai Kafir Tere Nabi ki Ummat par,
Barish Kafir par teer kamaan bana de ya Allah,
Aansuon say mangta hoon main ab yeh Dua,
Muslim ki Dua ko Fatah ka samaan bana de ya Allah.
:(
[/QUOTE]
I cannot believe in a God who wants to be praised all the time."
ALLAH does not need our PRAISE BUT HES TESTING WHO REMAINS FAITHFUL
[QUOTE]
*Originally posted by Sher: *
I cannot believe in a God who wants to be praised all the time."
[/QUOTE]
but u believe in a father who, if u disobey him, will kick u out of his house and give u nothing from his wealth????
[QUOTE]
excuse my ignorance of literature, but how does this piece of poetry qualify as a "hamd"....
[/QUOTE]
Ok then what will you call this piece of poetry (in your words)?
[QUOTE]
I cannot believe in a God who wants to be praised all the time."
[/QUOTE]
Ok then don't .....i am not forcing you to believe in Him I felt like praying so i did.Simple
[QUOTE]
but u believe in a father who, if u disobey him, will kick u out of his house and give u nothing from his wealth????
[/QUOTE]
You are so right about this.
Kaamil hai jo azal se woh hai kamal tera
Baqi hai jo abad tak woh hai jalal tera
Hai aarifon ko hairat aur munkiron ko sakta
Har dil pe chha raha hai roub-e-jalal tera
Go hukm tere lakhon yaan talte rahe hain
Lekin tala na hargiz dil se khayal tera
Phande se tere kyunkar jaye nikal k koi
Phaila hua hai har soo aalam mein jaal tera
Un ki nazar mein shaukat jachti nahin kisi ki
Aankhon mein bass raha hai jin ki jalal tera
Dil ho k jaan tujh se kyunkar azai rakhiye
Dil hai so cheez teri jaan hai so maal tera
Begangi mein Hali, yeh rang-e-aashnai
Sun sun k sar dhuneinge, qaal ahle-e-qaal tera
Poet:Altaf Husain Hali
Zindagi bhar zindagi ki justujoo karte raho
Yani Rub-Ul-Aalameen ki arzoo karte raho
Ik tareeqa yeh bhi hai Allah ki tareef ka
Uss ke hur jalwe ko apne roobaroo karte raho
Deen-o-duniya mein Khuda ki raah per chalte hue
Saamne khud ko Khuda k, surkhuroo karte raho
Kar ke tareef-e-Khudaye laala-o-gul roz-o-shab
Khud mein paida ik jahan-e-rang-o-boo karte raho
Yaad ko uss ki kabhi hone na do dil se juda
Yani yeh aaina apne roobaroo karte raho
Woh jo khawar-e-Khaliq hur do jahan hai bilyaqeen
Zikr uss ka qarya qarya koo ba koo karte raho
Rehman Khawar
ALLAH
Harf aur lafz ke
Darmiyan kaun hai
Dooriyan kya hain aur
Qurbatein hain kahan
Faaslon se guraizaan
Sabhi sa'atein!!
Umr ki aakhri!!
Hudd per ja kar rukein
Aas uss ki rahe
Jis ko dil yeh kahe
Harf uss ki sada
Lafz uss ki ata
Jaan ke taar mein
Jo bhi larzish rahi
Hai usi ki nava
Hain khala mein
Jo saari navaein bapa
Keh rahi hain sada
Harf bekar hai
Lafz dushvar hai
Gar na pao usey
Jis se inkar bhi
Iss ka iqrar hai
Jab na pao kahin
Harf aur lafz k
Darmiyan dekh lo