Hamaari be basi dekho, unhe hamdard kehte hain…
Jo urdu bolne walon ko dehshat-gard kehte hain…
Madeene tak me humne mulk ki khatir dua maangi…
Kisi se poochh le, isko watan ka dard kehte hain…
Kisi bhi rang ko pehchaan’na mushkil nahi hota…
Mere Bachhon ki soorat dekh, isko zard kehte hain…
Agar dangaaiyon par tera koi bas nahi chalta…
To phir sun le hukumat hum tujhe na’mard kehte hain…
By Munawar Rana