Hamaisha Hai Wasl-o-Judai ka Dhanda,
Button Ki Hai Ulfat Khudaai Ka Dhanda
Agar BaiThay Rindon Ki Sohbat Main Zahid
To Dain Chor Sab Paarsai Ka Dhanda
Jo Hona Hai Aakhir Wo Ho Kar Rahay Ga
Karay Kon BaKht-Aazmai Ka Dhanda
ParaishaN Rahi Umar Bhar Par Na Chora
Teri Zulf Nay Kajj-Adai Ka Dhanda
Mubarak Raa’ison Ko Kaar-e-Riyasat
Gada Ko Hai Kaafi Gadaai Ka Dhanda
Nahin Khizar K Peechay Gar Aur Jhagray
To Hai Saath Ik Raahnumai Ka Dhanda
Zafar Is Say Behtar Hai Na-Aashanaai
K Mushkil Hai Ye Aashanaai Ka Dhanda…!!
Khawab.Rung