hamaaraa kyaa hai ke ham to chiraaG-e-shab kii tarah

Arts & Culture Poetry ( Intikhaab & Sho'ra-e-Gupshup)
1

hamaaraa kyaa hai ke ham to chiraaG-e-shab kii tarah**
agar jale bhii to bas itanii raushanii hogii

ke jaise tund andhero.n kii raah me.n jugnuu
zaraa sii der ko chamke chamak ke kho jaayein

phir is ke baad kisii ko na kuchh sujhaa_ii de
na shab kaTe na suraaG-e-sahar dikhaa_ii de

hamaaraa kyaa hai ke ham to pas-e-Gubaar-e-safar
agar chale bhii to bas itanii raah tay hogii

ke tez havaaoan kii zard maa_il naqsh-e-qadam
zaraa sii der ko ubhare ubhar ke mit jaayein

phir us ke baad na raastaa na rah_guzar mile
hadd-e-nigaah talak dasht-e-bekinar mile

hamaarii simt na dekho ke koii der mein hum
qabiilaa-e-dil-o-jaan se bicharney walay hain

base basaaye huye shahar apanii aaNkhoan ke
misal-e-khaanaa-e-viiraan ujarne vaale hain

havaa kaa shor ye hii hai to dekhate rahanaa
hamaarii umar ke Khemeiy ukharne vaale hain**

2

Re: hamaaraa kyaa hai ke ham to chiraaG-e-shab kii tarah

**hamaarii simt na dekho ke koii der mein hum
qabiilaa-e-dil-o-jaan se bicharney walay hain

base basaaye huye shahar apanii aaNkhoan ke
misal-e-khaanaa-e-viiraan ujarne vaale hain

havaa kaa shor ye hii hai to dekhate rahanaa
hamaarii umar ke Khemeiy ukharne vaale hain

**itni na umeedi achi nahin

3

Re: hamaaraa kyaa hai ke ham to chiraaG-e-shab kii tarah

My all time favorite. Once I opened a thread, when I forgot starting of this poem

4

Re: hamaaraa kyaa hai ke ham to chiraaG-e-shab kii tarah

Some people say this was his last poem before he died. Is that true?

5

Re: hamaaraa kyaa hai ke ham to chiraaG-e-shab kii tarah

don't know.. have to check