Ham parwarash-e-loh-o-qalam karte rahenge,
Jo dil pe guzarti hai raqam karte rahenge.
Asbaab-e-gham-e-ishq baham karte rahenge,
Veeraani-e-dauraan pe karam karte rahenge.
Haan, talkhi-e-ayyaam abhi aur barhe gi,
Haan, ahl-e-sitam mashq-e-sitam karte rahenge.
Manzur yeh talkhi, yeh sitam ham ko gawaara,
Dam hai to madaawaa-e-alam karte rahenge.
Maikhana salaamat hai to ham surkhi-e-mai se,
Tazeen-e-dar-o-baam-e-haram karte rahenge.
Baqi hai lahu dil mein to har ashk se paida,
Rang-e-lab-o-rukhsar-e-sanam karte rahenge.
Ek tarz-e-taghaaful hai so woh unko mubaarak,
Ek arz-e-tamanna hai so ham karte rahenge.
…
My best friend is my tears
as they never leave me alone
