Re: Ham logon ko sach kehne kii aadat bhii buhat thii
[QUOTE] Originally posted by weteyes82: *
*
rastaa bhii kaThin dhoop mein shiddat bhii buhat thii
sa'ae se mager us ko muhabbat bhii buhat thii
kheme naa koii mere musafir k jalaee....
zakhmii thaa buhat paoun, musafat bhii buhat thii
baarish ki duwaoun mein namii aankh kii mil ja'ae
jazbe kii kabhii itnii rafaaqat bhii buhat thii
kuch tu tere mousam hii mujhe raas kam aa'e
aur kuch merii maTTi mein baghawat bhi buhat thii
phooloun kaa bikhernaa tu muqaddar hii thaa lekin
kuch is mein hawaoun kii siyaasat bhi buhat thii !
wo bhi sar-e-maqtal hai keh sach jis kaa thaa shaahid
aur waqif-e-ahwaal adaalat bhi buhat thii
*
is tark-e-rafaaqat pe pareshaan tu houn lekin
ab tak k tere saath pe hairat bhii buhat thii !
kush aa'e tujhe sheher-e-munaafiq kii ameerii
ham logon ko sach kehne kii aadat bhii buhat thii*
**
[/QUOTE]
Beautiful....
Mara such tu ya he tha ka mujahay tum say mohabat hai
Ya tara faisla hai ka aaj hoo giya hoon main tanha
for u.
