**Hai Tumhay Talash Jiski Wo Khushi Yaha’n Nahee’n Hai
Meray Paas Tau Hai Sehra, Koi Gulsita’n Nahee’n Hai
Meray Sath Sath Aa’o Meray Ghar Ko Chal K Daikho
Jisay Tum Samajh Rahay Ho Wo Mera Maka’n Nahee’n Hai
Meray Dil Ki Kuchh Na Poochho Ye Udas Hi Rahega
Ye Wahi Zamee’n Hai Jiska Koi Aasma’n Nahee’n Hai
Hai Nikhar Bhi Gulo’n Par, Hai Bhali Faza Bhi Uski
Magar Iss Chaman Mai Tera Koi Aashya’n Nahee’n Hai
Yahi Sauchti Hoo’n Aksar, Kahoo’n Haal Kiss Say Dil Ka
K Jaha’n Mai Abb Tau Mera Koi Razdaa’n Nahee’n Hai
Tumhay Yaad Ho To Mujhko Meray Hamsafar Sunaao
Koi Aisi Dasta’n Jo Meri Dasta’n Nahee’n Hai
Kahee’n Khaab Mai Mili Hai Mujhay “Naaz” Aisi Basti!!
Koi Dil Jaha’n Nahee’n Hai, Koi Gham Jaha’n Nahee’n Hai**
