*haath chhoote bhi to rishte nahin chhodaa karte *
waqt ki shaakh se lamhen nahin todaa karte
*jis ki aavaaz main silvat ho nigaahon main shikan *
aisi tasveer ke tukde nahin jodaa karte
*shahad jeene kaa milaa kartaa hai thodaa thodaa *
jaane waalon ke liye dil nahin todaa karte
*lag ke saahil se jo behtaa hai use behne do *
aise dariyaa kaa kabhi rukh nahin modaa karte
~~~*~~~
Gulzar
~~~*~~~