Waasokht
Such hai humeeN ko aap kay shikway baja na thay
Bay shuk Sitam Janab kay sub dostana thay
HaaN, jo wafa bhee aap nay kee, Qaiday say kee!
HaaN, hum hee karbund-e-usool-e-wafa na thay
Aaye tau yooN kay jaisay hamesha thay meharbaaN
Bhoolay tau yooN kay goya kabhi aashna na thay
KiouN daad-e-ghum, humeeN nay talab kee, bura kiya
Hum say jahaN maiN kushta-e-ghum aur kiya na thay?
Gar fikr-e-zakham kee tau khatawar haiN kay hum
KiouN mehv-e-madha-e-khoobi-e-tegh-e-ada na thay
Hur charagar ko charagari say guraiz thaa
Warna humaiN jo dukh thay, bahut ladawaa na thay
Lub par hai talkhi-e-maey aiiyam, warna Faiz
Hum talkhi-e-kalam pay maail zara na thay
Faiz Ahmed Faiz
.. .