haal-e-dil mai.n ne jo duniyaa ko sunaanaa chaahaa
mujh ko har shaKhs ne dil apanaa dikhaanaa chaahaa
apanii tasviir banaane ke liye duniyaa me.n
mai.n ne har rang pe ik rang cha.Dhaanaa chaahaa
Khaak-e-dil jauhar-e-aa_iinaa ke kaam aa hii ga_ii
laakh duniyaa ne nigaaho.n se giraanaa chaahaa
sholaa-e-barq se gulashan ko bachaane ke liye
mai.n ne har aag ko siine me.n chhupaanaa chaahaa
apane aibo.n ko chhupaane ke liye duniyaa me.n
mai.n ne har shaKhs pe ilzaam lagaanaa chaahaa
Gairat-e-mauj use phe.nk ga_ii saahil par
Duubane vaale ne jab shor machaanaa chaahaa