gUzra hOn Jis Traf Sey Bhi Pathar Lagey mUjhey
Aisey Bhi Kya They Laal o Jawaahir Lagey mUjhey
lOu hO ChUki Shifa K Madawa e dArd e Dil
Ab Teri Dastras Sey Bhi Bahir Lagey mUjhey
TarSa Diya hAi Abr e gUraizaan Ney Is Qdar
BarSey jO bOond Bhi tO Sumandar Lagey mUjhey
Thaamey Raho Gey Jism Kii Dewaar Taab Key
Yeh Zalzala tO rOoh Key Ander Lagey mUjhey
Gar rOshnii Yahii hAi tO Aey Bad-Naseeb Shehar
Ab TeerGii Hii Tera mUqadar Lagey mUjhey
Manzil KahaaN Kii Zaad e Safar kO BaChaiyO
Ab Rah-ZanOn Kii Niyet e Rahbar Lagey mUjhey
wO mUtmain Key Sab Kii zUbaan Kaat Dii Gaii
Aisii KhamOshiyOn Sey Magar Dar Lagey mUjhey
wO Qeht e HarOof e Haq hAi K Is Ehad Mein “Faraz”
KhUd Sa GunehGaar Bhii Paiyambar Lagey mUjhey
