Guzartay Lamho mujhay bataao...

Arts & Culture Poetry ( Intikhaab & Sho'ra-e-Gupshup)
1

Guzartay Lamho mujhay bataao
kay Zindagi ka Usul kyaa hay
tamaam cheezaiN agar haqeeqat meiN eik hi haiN
tou phuul kyuN hay, babool kyaa hay!
Jo meri AankhoN kay daaeray meiN
hazaar rangoN meiN muntashir hay
har eik manzar, har eik Aahat
har eik rastay kaa Hamsafar hay
kahiN samandar saa mahw-e-haerat
kahiN hawaaoN saa be-khabar hay
kahiN bayaabaN misaal-e-khaali
meri hi khwaahish ka aks-gar hay
tou phir bataao siwaaay khwaahish kay
meray haathoN meiN kyaa hunar hay
gharoN say niklo tou soch lenaa
kay be-gharii kaa hasuul kyaa hay
diloN kii ta‘meer mat giraao
kay khwaahishoN ka yehi tou ghar hay

Tamaam haathoN meiN Aainay haiN
tou kon kis say chuhpaa huwaa hay
agar sada ka wajuud kaanoN say munsalik hay
tou kon khushbu meiN bolta hay
agar samandar kii had hay saahil
tou kon Aankhon meiN phaelta hay
tamaam cheezaiN agar yehii haiN
tou kon cheezoN say maawaraa hay
kisay khabar hay badalti ruton nay
puraanay pattoN say kyaa kahaa hay
ye kon baadal say jaa kay puuchay
kay aesaa Mosam kahan raha hay
jo aaj dekhaa hay kal na ho gaa
koii bhii Lamha atal na ho gaa

Meri nigaahoN kay Aaino meiN
ajeeb manzar jhalak rahay haiN
kahiN ujaaloN pay teergi hay
kahiN andheray chamak rahay haiN
kahiN shagufoN meiN roshni hay
kahiN darichay mehak rahay haiN
kahiN pay sadyaaN rukii khaRii haiN
kahiN zamaanay bhatak rahay haiN
safar hay kaesa kay meray paaoN
baghair chalnay kay thak rahay haiN

Khaamosh pairro tumharay Saaey meiN
kitni nasloN nay dam liyaa hay
mujhay bataao kay motaroN kay
dhuhwaiN say pehlay jo gard urrti thi
us kay parday say Aanay waalay
musaafiroN meiN kamaal kya tha
mujhay bataao kay mujh say pehlay
gaey huwoN kaa jamaal kyaa thaa
tumhaari AankhaiN tou chaand suraj ki
ibtedaaoN say Aashnaa haiN
mujhay bataao kay pehlay suraj ka haal kya tha
tumhaaray shaanoN pay chaandni ki
taweel zulfaiN bikhar kay mehkeeN
tou Aasman ko malaal kyaa thaa
tumhaaray qadmoN meiN sar jhukaatay
Udaas rastay kii bandagii meiN
sawaal kya tha!
hawaaaiN pehli baar chaleeN tou
tumhaaray dil meiN khayaal kya tha
tumhaari shaakhoN nay kin ghataaoN ki
beqaraari say nam liyaa hay

Guzartay Lamho mujhay bataao
zameen kis kii talaash meiN hay
sitaaray kyaa cheez dhoondtay haiN
wuh kyaa taaha‘yar thaa jis meiN ab tak
pahaaR gumsum khaRay huway haiN
samandaroN ka jamaal kyaa hay
kay sard chashmaiN taRap rahay haiN
badalti rutoN kaa payaam kyaa hay
kay peiR uljhan meiN paR gaey haiN!

Amjad Islam Amjad

2

Beautiful

3

Re: Guzartay Lamho mujhay bataao...

Oay Hoay....Kia ghazab ka piece share kia hay....bhi Wah Kia baat hay...too good, lovely

4

Re: Guzartay Lamho mujhay bataao…

Wo alfaaz jo is shah’kaar ke baarey meiN kuch keh sakeiN, merey paas to nahi heiN, kisi aur ke paas hoN to mujhey zaroor bataey.

Ye do satreiN to saari nazm pe bhaari heiN. Amazing stuff:k:

5

beautiful, :k:

6

bohat khoob thanks 4 sharin gul-e-tea...:)

7

bohoot pyaree hai :flowre1:

8

amazing zaberdast :k:
thxs 4 sharing gul :slight_smile:

9

lajavab:k::k:
thanks for sharing:~(

10

Zabar10 :k:

11

simply beautiful!
no words for that!!
:flower1: :k:
:flower2: :slight_smile:

12

Re: Guzartay Lamho mujhay bataao...

[QUOTE]
*Originally posted by GuL-e-Tasbeeh: *
Guzartay Lamho mujhay bataao
kay Zindagi ka Usul kyaa hay

Amjad Islam Amjad
[/QUOTE]

Bohat hoob :)

but, There's only one maslah, lahmhai nahin batain gain kabhi bhi:(

13

wah ji wah…bahot aala poem hey:k:…ma love thiz poem:)

14

Beautiful, one of my favourites :k:

15

Mehvar,Dilsay,Capii,Swera,weteyes, Sunnyboy,ghazal,nikii,ullujii,Viva &MdMBuhat buhat shukriyaa for liking my Post, and Nice comment:-)
Amal JiiBuhat Buhat shukriyaa, Iss Shaah’kaar kay baaray meiN jo kah sakaiN, Meray paas Alfaaz hotay tou zaruur bataatii:~)
Paglee jii Many Thanks, mujhay shak thaa Aap wuhii haiN now yakeen ho chalaa:~):flower1:

16

bohat khoob gul siso :k:

17

:confused: :rolleyes: :frowning:

masoom pe pata nahi ** UN ** ko kis ka gumaan hota hia

18

Bohat khoob :)
Thanks for sharing...

19

Yaqeenan Paglee ka hee gumaan hua hoga, mujhay bhi yahee shak tha an yaqeen ho chala :hehe: :hehe: :hehe:

Aur jenab ** UN ** is reserved for someone, avoid using this for others :wink:

20

oh no ap ko be Paglee k paglee honay ka certifcate mil gaya ab no right click :hehe:

ohhhhh ye ** SomeOne **..u know me Paglee dono how to avid things :stuck_out_tongue: