Sipahi! aaj bhi koyi naheen aya
kissi ney phool hi bejhey
nah basti key gharooN sey aashna geetooN ki aawaazeeN sunaii deeN
nah parcham koyi lehraya
Sipahi! shaam honey aayi our koyi naheen aya
fanaa ki khandaqooN ko jaan dey ker paar ker jana barhi baat
jahan jeeney ki khatir mar rahey hooN loog, us basti meiN mar jana barhi baat
magar pal-bhar ko yeh socha to hota
tumharey baad ghar ki muntazir dehleez ko dil ki nishani koon dey ga
hawaooN sey uljhti rooshni ko, aitbar-e-kamrani koon dey ga
dar-o-dewar sey lipti hoyi bailooN ko pani koon dey ga…
Iftikhar Arif