ajanabii Khauf fizaao.n me.n basaa ho jaise
sahar kaa shahar hii aaseb_zadaa ho jaise
raat ke pichhale pahar aatii hai.n aavaaze.n sii
duur saharaa me.n ko_ii chiiKh rahaa ho jaise
dar-o-diivaar pe chhaa_ii hai udaasii aisii
aaj har ghar se janaazaa-saa uThaa ho jaise
muskuraataa huu.N pa-e-Khaatir-e-ahabaab magar
dukh to chehare kii lakiiro.n pe sajaa ho jaise
ab agar Duub gayaa bhii to maruu.Ngaa na ‘Kamal’
bahate paanii pe meraa naam likhaa ho jaise
vo ko_ii aur na thaa chand Khushk patte the
vo ko_ii aur na thaa chand Khushk patte the
shajar se TuuT ke jo fasl-e-gul pe roye the
abhii abhii tumhe.n sochaa to kuchh na yaad aayaa
abhii abhii to ham ek-duusare se bichha.De the
tumhaare baad chaman par jab ik nazar Daalii
kalii kalii me.n Khizaa.N ke chiraaG jalate the
tamaam umr vafaa ke gunaah_gaar rahe
ye aur baat ki ham aadamii to achchhe the
shab-e-Khaamosh ko tanhaa_ii ne zabaa.N de dii
pahaa.D guu.Njate the dasht san_sanaate the
vo ek baar mare jin ko thaa hayaat se pyaar
jo zindagii se gurezaa.N the roz marate the
naye Khayaal ab aate hai.n Dhal ke zahan me.n
hamaare dil me.n kabhii khet lah_lahaate the
ye iratiqaa kaa chalan hai ki har zamaane me.n
puraane log naye aadamii se Darate the
'Nadeem' jo bhii mulaaqaat thii adhuurii thii
ki ek chehare ke piichhe hazaar chehare the
cheharaa meraa thaa nigaahe.n us kii
cheharaa meraa thaa nigaahe.n us kii
Khaamushii me.n bhii vo baate.n us kii
mere chehare pe Gazal likhatii ga_ii.n
sher kahatii hu_ii aa.Nkhe.n us kii
shoKh lamho.n kaa pataa dene lagii.n
tez hotii hu_ii saa.Nse.n us kii
aise mausam bhii guzaare ham ne
subahe.n jab apanii thii.n shaame.n us kii
dhyaan me.n us ke ye aalam thaa kabhii
aa.Nkh mahataab kii yaade.n us kii
faisalaa mauj-e-havaa ne likkhaa
aa.Ndhiyaa.N merii bahaare.n us kii
niind is soch se TuuTii aksar
kis tarah kaTatii hai.n raate.n us kii
duur rah kar bhii sadaa rahatii hai
mujh ko thaame hue baahe.n us kii
ko_ii chaudhvii.n raat kaa chaa.Nd ban kar tumhaare tasavvur me.n aayaa to hogaa
ko_ii chaudhvii.n raat kaa chaa.Nd ban kar tumhaare tasavvur me.n aayaa to hogaa
kisii se to kii hogii tum ne muhabbat kisii ko gale se lagaayaa to hogaa
tumhaare Khayaalo.n kii anganaa_iyo.n me.n merii yaad ke phuul mahake to ho.nge
kabhii apanii aa.Nkho.n ke kaajal se tum ne meraa naam likh kar miTaayaa to hogaa
labo.n se muhabbat kaa jaaduu jagaakar bharii bazm me.n sab se nazare.n bachaa kar
nigaaho.n kii raaho.n se dil me.n samaa kar kisii ne tumhe.n bhii churayaa to hogaa
kabhii aa_iine se nigaahe.n milaakar jo lii hogii bharapuur anga.Daa_ii tuune
to ghabaraake Khud terii anga.Daa_iiyo.n ne tere husn ko gud_gudaayaa to hogaa
nigaaho.n me.n shama-e-tamannaa jalaa kar takii ho.ngii tum ne bhii raahe.n kisii kii
kisii ne to vaadaa kiyaa hogaa tum se kisii ne tumhe.n bhii rulaayaa to hogaa
one of my favourites..
chehare pe mere zulf ko phailaao kisii din
kyaa roz garajate ho baras jaao kisii din
raazo.n kii tarah utaro mere dil me.n kisii shab
dastak pe mere haath kii khul jaao kisii din
pe.Do.n kii tarah husn kii baarish me.n nahaa luu.N
baadal kii tarah jhuum ke ghir aao kisii din
Khushbuu kii tarah guzaro mere dil kii galii se
phuulo.n kii tarah mujh pe bikhar jaao kisii din
phir haath ko Khairaat mile band-e-qabaa kii
phir lutf-e-shab-e-vasl ko doharaao kisii din
guzare.n jo mere ghar se to ruk jaaye.n sitaare
is tarah merii raat ko chamakaao kisii din
mai.n apanii har ik saa.Ns usii raat ko de duu.N
sar rakh ke mere siine pe so jaao kisii din
zindagii ke mele me.n
zindagii ke mele me.n
Khvaahisho.n ke rele me.n
tum se kyaa kahe.n jaanaa
is qadar jhamele me.n
vaqt kii ravaanii hai
baKht kii giraanii hai
saKht bezamiinii hai
saKht laamakaanii hai
hijr ke samandar me.n
taKht aur taKhte kii
ek hii kahaanii hai
tum ko jo sunaanii hai
baat go zaraa sii hai
baat umr bhar kii hai
umr bhar kii baate.n kab
do gha.Dii me.n hotii hai.n
dard ke samandar me.n
anginat jaziire.n hai.n
beshumaar motii hai.n
aa.Nkh ke dariiche me.n
tum ne jo sajaayaa thaa
baat us diye kii hai
baat us gile kii hai
jo lahuu kii Khilvat me.n
chor ban ke aataa hai
lafz ke fasiilo.n par
TuuT TuuT jaataa hai
zindagii se lambii hai
baat rat_jage kii hai
raaste me.n kaise ho
baat taKhaliye kii hai
taKhaliye kii baato.n me.n
guftaguu izaafii hai
pyaar karane vaalo.n ko
ik nigaah kaafii hai
ho sake to sun jaao
ek din akele me.n
tum se kyaa kahe.n jaanaa.N
is qadar jhamele me.n
gumaan
mai.n kachchii niind me.n huu.N
aur apane niim_Khvaabidaa tanaffus me.n utaratii
chaa.Ndanii kii chaap sunatii huu.N
gumaa.N hai
aaj bhii shaayad
mere maathe pe tere lab
sitaare sabaat karate hai.n
LOvely!
Thanks a lot for sharing…
b/w Welcome to GS 
thanx ...u must say welcome back to me isnt it?:)
Beautiful!
sabz maddham roshanii me.n surKh aa.Nchal kii dhanak
sabz maddham roshanii me.n surKh aa.Nchal kii dhanak
sard kamare me.n machalatii garm saa.Nso.n kii mahak
baazuuo.n ke sakht halqe me.n ko_ii naazuk badan
silvaTe.n malabuus par aa.Nchal bhii kuchh Dhalakaa huaa
garmii-e-ruKhsaar se dahakii hu_ii Thaa.nDii havaa
narm zulfo.n se mulaayam u.Ngaliyo.n kii chhe.D chhaa.D
surKh ho.nTho.n par sharaarat ke kisii lamhe.n kaa aks
reshamii baaho.n me.n chuu.Dii kii kabhii maddham dhanak
sharmagii.n lahajo.n me.n dhiire se kabhii chaahat kii baat
do dilo.n kii dha.Dakano.n me.n guu.Njatii thii ek sadaa
kaa.Npate ho.nTho.n pe thii allaah se sirf ek duaa
kaash ye lamhe Thahar jaaye.n Thahar jaaye.n zaraa
Wah..
[QUOTE]
*Originally posted by Truth_Is_Beauty: *
thanx ...u must say welcome back to me isnt it?:)
[/QUOTE]
Lolz...yep I mean the same thing :)
Wah.. khoob
Wah…very nice choice :k:
Wah
Perveen Shakir :k:
Nice :k:
**Truth is Beauty
Please note that NO more than 2 threads are allowed to be opened per day. It clutters up the page and is disliked by members. Please be considerate. Should you have any more questions, please let me know. Shukriya.
-Sehar**
thanx "Sahar"..actually its long time that i have been to GS,so i have to recal things..thanx again for ur reminder..i would try my level best to be on trough..Thanx once againn..
Thanks for sharing Truth.
where were you... Welcome back:-)