Gulabi Urdu - Gaarhi Urdu

[muqawwee123]

Re: Gulabi Urdu - Gaarhi Urdu

@Khalil KhaaN FaaKhta

gulaabii kaa matlab hotaa hai ‘halkaa phulkaa’ jaise ‘gulaabii jaaRaa’ bama’nii halkii phulkii sardii kaa mausam ya’nii maah-e-aktoobar kii Khunkii. to, gulaabii urdu kaa matlab huaa ‘halkii phulkii urdu’…saqeel [gaaRhii] urdu vo hotii hai jis meN 'arbii faarsii ke alfaaz aur taraakeeb-e-laffaazii kii shiddat yaa faraavaanii hotii hai jab k salees urdu aam fehm aam bol chaal kii zabaan hai…

…saqeel urdu 'aam taur se taHaareer o taqaareer aur kutub_haa-e-mazhabii meN paayii jaatii hai jab k salees urdu aam bol chaal meN paayii jaatii hai…

saqeel urdu meN engrezii, Hindi ke alfaaz kaa foqdaan hotaa hai jab k salees urdu meN in zabaanoN kii aamezish kaa josh zor hotaa hai.

Ghalib kii shaa’irii saqeel urdu hai jab k unke Khutoot salees urdu kii nishaan-dehii kartii hai

Min Hais ul qoum hum aap ki iss maloomaat ke liye shukr guzar hai.

PS: Aap ki ye post konsi Urdu main hai?