**Aik Nazm hai Amjad Islam Amjad ki **
Gulab chehray pe muskarahat
**chmakti aankhon main shokh jazbay **
**wo jab bhi college ki serhion say **
**sahailion ko liye utarti **
to aisa lagta
ke, jaisay dil main utar rahi hai
kuch is ada say, kuch is tayaqqun say baat karti
ke jaisay duniya usi ki nazroon say daikhti ho
wo apnay rastay main dil bachati hui nigahon say hans kay kehti
**main aisi batain **
buhat say arsay say, buhat say larkon say sun rahi hoon
Main sahilon ki hawa hoon, neelay samandron kay liye bani hoon
**wo sahilon ki hawa si larki **
jo kal mili to usi tarah thi
**chamakti aankhon main shokh jazbay **
gulab chehray pe muskarahat
magar jo boli to us ke lehjay main wo thakan thi
kay jaisay sadyon say dasht-e-zulmat main chal rahi ho