khetton main kaam karti hui laDakiyaN
jeth ki champai dhoop ne
jin ka soona badan
surmai kar diya
jin ko raaton main oss aur paale ka bistar mile
din ko sooraj saron par jale
ye hare laun main
sang-e-marmar ke benchon pe bethi hui
*un hahsi mooraton se kahin Khoobsurat *
kahin mukhtalif
jin ke joDe main joohi ki kaliyan sajeen
jo gulab aur bele ki Khushboo liye
aur rangon ki hiddat se pagal phiren
khett main dhoop chunti hui laDakiyaan bhi
nai umar ki sabz dahaleez par hain magar
aaina tak nahin dekhtin
yea gulaab aur Dezii ki hiddat se na aashna
Khushbuon ke jaan lams se bekhabar
phuool chunti hain lekin pahanati nahin
in ke malboos main
taiz sarson ke phoolon ki baas
un ki aankhon main roshan kapaas.
—
Jo raanai, nigahon ke lea, saaman-e-jalwa hai
Libas-e-muflisi main kitni be-qeemat nazar ati
Yahan to jazibiyat bhi hai, dolat hi ki parwarda
Ye laDki faqa-kash hoti, to bad-surat nazar ati.
