girafta dil the bahot roye yaad kar ke tujhe...merii ek Ghazal

Arts & Culture Poetry ( Intikhaab & Sho'ra-e-Gupshup)
1

salaam dosto,
ummeed hai k mizaaj-e-giraamii ba_Khair hoNge.

maiN apnii ek puraanii Ghazal apnii hii karaKht aawaaz meN pesh karne kii jasaarat kar rahaa huN aur ummeed-e-be_jaa kartaa huN k aapkii tab’a par baar-e-giraaN na guzregii aur, ba’d_az_aaN, moojib-e-sam’a_Kharaashii na hogii. :slight_smile:

to, Ghazal mulaaHizah aur samaa’at farmaaiye…Hasb-e-ma’mool, aapkii aaraa kaa shiddat se intizaar rahegaa…peshgii shukia adaa kartaa huN:

AUDIO LINK: merii Ghazal-1…girafta dil the, bahot roye yaad kar ke tujhe by jhumroo on SoundCloud - Create, record and share your sounds for free

**1.
girafta dil the, bahot roye yaad kar ke tujhe!
tamaam raat nahiiN soye, yaad kar ke tujhe!

tiraa visaal kisii daastaaN se kam to na thaa
sunaa sunaa ke ise roye, yaad kar ke tujhe!

Khudaa kare! koii aisaa bhii dard_mand na ho
na 'umr bhar koii yuuN roye, yaad kar ke tujhe!

shaikast-e-dil kii sadaa dil ke saath saath rahii
fareb khaaye magar roye, yaad kar ke tujhe!

vo ek lamHa tere iltifaat-e-Khaatir kaa
hazaar lamHe magar khoye, yaad kar ke tujhe!

guzaar dii hai terii aarzoo meN har shab-e-Gham
tamaam 'umr nahiiN soye, yaad kar ke tujhe!

mataa~-e-jaan hai, “Sai’hbaa!”, terii nigaah-e-karam
Khudaa gawaah! nahiiN soye, yaad kar ke tujhe!**

tamaam shud! :slight_smile:

2

Re: girafta dil the bahot roye yaad kar ke tujhe…merii ek Ghazal

Wah aap ki awaz mein soz hai!:smokin:

3

Re: girafta dil the bahot roye yaad kar ke tujhe…merii ek Ghazal

yi suna k rona band kerd den ab
kisi din BHABI BEGUM ne ghslti se bhi SUN lia to :wub:

4

Re: girafta dil the bahot roye yaad kar ke tujhe…merii ek Ghazal

Abhi wo azaad hain:smokin:

5

Re: girafta dil the bahot roye yaad kar ke tujhe…merii ek Ghazal

tahnkoo…aur saaz? vaise, sozish ziyaada ho gaii agar to aag bhii lag saktii hai aur yeh hogaa ‘Khud sozii’ kaa ek case :cb:

ok BOSS! kuchh khilaayeN pilaayeN to dhyaan baTe taa k yeh **aah o zaarii aur girya e zardaarii **band ho! :smiley:

maiN ba-waqt-e-giryaa apnaa galaa ‘MUTE’ kar detaa huN is liye vo sun nahiiN sakeNgii :cb:

asii aazaadii pe la’nat hai janaab jisse sharmaaye ‘Khud aazaadii’ :slight_smile:

6

Re: girafta dil the bahot roye yaad kar ke tujhe…merii ek Ghazal

bawaqt zarurat :cb: kia baat hi :lajawab:
jis din BEAIN BHAIN kerty pakre gae

KISSI :bummer:(krishan chandar???/) ka afsana tha matti ka madhu (ya shayad OURAT:smack:) parha aap ne :wink:

7

Re: girafta dil the bahot roye yaad kar ke tujhe…merii ek Ghazal

**vo ek lamHa tere iltifaat-e-Khaatir kaa
hazaar lamHe magar khoye, yaad kar ke tujhe!

:lajawab:

waise matla ke khayalaat se main thoRa sehmat nahin… kisi ke yaad aae to aap so kaise sakte hain.. wo kehte hain na ‘Lagi waliyan nu neend nahin aati, teri kiwen ni akh lag gai?’
**

8

Re: girafta dil the bahot roye yaad kar ke tujhe…merii ek Ghazal

Maaf kijiye Maine aap ki dukhti rag per paon rakh diya:smokin:

9

Re: girafta dil the bahot roye yaad kar ke tujhe…merii ek Ghazal

thankoo :slight_smile: ‘bhaayeN bhaayeN’ … :cb: maiN ne to nahiiN paRhaa…u mean ‘madhushala’?

shukria bahot bahot, janaab! :slight_smile:

aapkii baat solah aane durust magar maiN ne to yeh kahaa hai matl’a meN:

1.
girafta dil the, bahot roye yaad kar ke tujhe!
tamaam raat nahiiN soye, yaad kar ke tujhe!

“nahiiN soye” likhaa hai…ab Theek?

“aapke paauuN bhaarii haiN” bahot :cb: :smiley: :wink: :stuck_out_tongue:

10

Re: girafta dil the bahot roye yaad kar ke tujhe…merii ek Ghazal

Really:smokin:

11

Re: girafta dil the bahot roye yaad kar ke tujhe…merii ek Ghazal

apny paoun cntrol me rakho :emmy:
KKF to hans pare hein kisi din kha betho gey kisi se:sannan:

12

Re: girafta dil the bahot roye yaad kar ke tujhe…merii ek Ghazal

YUP! :smiley:

haN na…nannhii sii jaan aur taqaaza e deedaar to dekhiye! :cb:

13

Re: girafta dil the bahot roye yaad kar ke tujhe…merii ek Ghazal

Lols. main yaad main itna khoya ke nahin soye ko sirf soye padha :smack:

14

Re: girafta dil the bahot roye yaad kar ke tujhe…merii ek Ghazal

Really kon mare ga mujhe aap

eent ka kaha eent mili nahi:smokin:

15

Re: girafta dil the bahot roye yaad kar ke tujhe…merii ek Ghazal

haN jii…yeh 'ishq hotaa hii aisaa hai k karnewaalaa to kia paRhnewaalaa bhii apne hosh baakhta kar baiThe lol :cb:

16

Re: girafta dil the bahot roye yaad kar ke tujhe…merii ek Ghazal

aap ke sar abhi ese koe UFTAAD nahi pare shuker karen

17

Re: girafta dil the bahot roye yaad kar ke tujhe...merii ek Ghazal


haha...saHeeH kahaa...vo kahte haiN na k:**

jis par paRe vo jaane
yaa phir Khudaa jaane! :)**

18

Re: girafta dil the bahot roye yaad kar ke tujhe…merii ek Ghazal

Bahut khoob!!!:lajawab:

19

Re: girafta dil the bahot roye yaad kar ke tujhe…merii ek Ghazal

bahot bahot shukria janaab :slight_smile: