Ghutnoo pay ser jhukaaye, Hum rooye sari raat
Yadoon ka ghum utthaaye, Hum rooye sari raat
Himmat hi nahin chori tanhaiyon main jee lain
Waday na raas aaye, Hum rooye sari raat
Bheegi hui hain palkain or raat ja chukki hay
Taray na daykh paaye, Hum rooye sari raat
Kis oor say hay nikla yeh chaand baykhudi ka
Jugnoo bata na paaye, Hum rooye sari raat
Aik baar bhi na socha kay kya hay dil lagee sanum
Ghairoon say dil lagaaye, Hum rooye sari raat
Bheegay they barishon main kabhi is tarah nahin
Boondon nay situm dhaaye, Hum rooye sari raat
Qurbat kay jaam ko ab nosh kya karain gey
Hontoon ko see silaaye, Hum rooye sari raat
Jeenay ki sab umeedain he khaak hueen shaiki
Zindagee ki talab haaye, Hum rooye sari raat
