Ghum kaa vo zor ab mere andar nahin rahaa
is umr mein main itanaa samarvar nahin rahaa
is ghar mein jo kashish thii gaii un dinon ke saath
is ghar kaa saayaa ab mere sar par nahin rahaa
vo husn-e-naubahaar abad shauq jism sun
rahanaa thaa us ko saath mere par nahin rahaa
mujh mein hii kuchh kamii thii ki behatar main un se thaa
main shahar mein kisii ke baraabar nahin rahaa
rahabar ko un ke haal kii ho kis tarah Khabar
logon ke daramiyaan vo aakar nahin rahaa
vaapas na jaa vahaan ki tere shahar mein ‘Munir’
jo jis jagah pe thaa vo vahaan par nahin rahaa