Ghhao ginte na kabhi zakhm-shumaari kerte,
Ishq me hum bhi ager waqt-guzaari kerte,
Tujh me to kher mohabbat k thay pehloo he bohat,
Dushman_e_jaan bhi ager hota to yaari kerte,
Ho gaye dhool tere raste me bethe bethe,
Ban gaye aks teri aaina-daari kerte,
Waqt aaya hai judai ka phir sochte hain,
Tujhe aasaab pe itna bhi na taari kerte,
Hote sooraj to humain shah_e_falak hona tha,
Chaand hote to sitaron pe sawaari kerte,
Kabhi ik pal na mila takht_e_takhaiyul werna,
Teri her soch ko hum raj-kumaari kerte,
Aakhri daao lagana he nahi aaya hum ko,
Zindagi beet gai khud ko juwaari kerte…!!!