Ghazals from "Alif to Ye"

Arts & Culture Poetry ( Intikhaab & Sho'ra-e-Gupshup)
21

vafaa ke bhes me.n ko_ii raqiib-e-shahar bhii hai
hazar! ke shahar ke qaatil tabiib-e-shahar bhii hai

vahii sipaah-e-sitam Khemaazan hai chaaro.n taraf
jo mere baKht me.n thaa ab nasiib-e-shahar bhii hai

udhar kii aag idhar bhii pahu.Nch na jaaye kahii.n
havaa bhii tez hai jangal qariib-e-shahar bhii hai

ab us ke hijr me.n rote hai.n us ke ghaayal bhii
Khabar na thii ke vo zaalim habiib-e-shahar bhii hai

ye raaz naaraa-e-mansuur hii se ham pe Khulaa
ke chuub-e-mimbar-e-masjid saliib-e-shahar bhii hai

ka.Dii hai jang ke ab ke muqaabile pe 'Faraz'
amiir-e-shahar bhii hai aur khatiib-e-shahar bhii hai

Ahmed Faraz

22

ye chiraaG benazar hai ye sitaaraa bezubaa.N hai
abhii tujhase milataa julataa koii duusaraa kahaa.N hai

vahii shaKhs jisape apane dil-o-jaa.N nisaar kar duu.N
vo agar Khafaa nahii.n hai to zaruur badagumaa.N hai

kabhii paa ke tujhako khonaa kabhii kho ke tujhako paanaa
ye janam janam kaa rishtaa tere mere daramiyaa.N hai

mere saath chalanevaale tujhe kyaa milaa safar me.n
vahii dukh bharii zamii.n hai vahii Gam kaa aasmaa.N hai

mai.n isii gumaa.N me.n baraso.n ba.Daa mutma_in rahaa huu.N
teraa jism betaGaiyyur hai meraa pyaar jaavidaa.N hai

Bashir Badr

23

zabaa.N suKhan ko suKhan baa.Nkapan ko tarasegaa
suKhan_kadaa merii tarz-e-suKhan ko tarasegaa

naye pyaale sahii tere daur me.n saaqii
ye daur merii sharaab-e-kohan ko tarasegaa

mujhe to Khair vatan chho.D ke aman na milii
vatan bhii mujh se Gariib-ul-vatan ko tarasegaa

unhii.n ke dam se farozaa.N hai.n millato.n ke charaaG
zamaanaa sohabat-e-arabaab-e-fan ko tarasegaa

badal sako to badal do ye baaG_baa.N varanaa
ye baaG saayaa-e-sard-o-samaa.N ko tarasegaa

havaa-e-zulm yahii hai to dekhanaa ek din
zamii.n paanii ko suuraj kiran ko tarasegaa

Nasir Kazmi

24

khoob .. :k: :k:

25

each ghazal is awesome:k::k::k::k::k::k::k:
thanks a lot for sharing