FONT=Comic Sans MSPoet: Amjad Islam Amjad
FONT=Comic Sans MS
chaand ke saath kae dard puraane nikale
kitane Gam thei jo tere Gam ke bahaane nikale
fasl-e gul aaii phir ek baar asiraan-e-vafaa
apane hi Khoon ke dariyaa men nahaane nikale
hijr ki choot ajab sang-shikan hoti hai
dil ki befaiz zamiinoon se Khazaane nikale
umr guzarii hai shab-e-taar men ankheen malate
kis ufaq se meraa Khurshiid na jaane nikale
dil ne ek iienth se taamiir kiyaa taaj-mahal
tuu ne ek baat kahii laakh fasaane nikale
dasht-e tanahaaii-e-hijraan men kharaa sochataa huun
haaye kyaa log meraa saath nibhaane nikale
main ne “Amjad” use bevaastaa dekhaa hi nahiin
vo to Khushbuu men bhii aahaat ke bahaane nikale
FONT=Comic Sans MSdil ke dariyaa ko kisii roz utar jaanaa hai
itanaa besimt na chal laut ke ghar jaanaa hai
us tak aati hai to har chiiz thahar jaati hai
jaise paanaa hii use asel mein mar jaanaa hai
bol ai shaam-e-safar rang-e-rihaaii kyaa hai
dil ko rukanaa hai ki taaroon mein thahar jaanaa hai
kaun ubharate hue mahataab kaa rastaa roke
usako har taur suu-e-dasht-e-sahar jaanaa hai
main khilaa hoon to isii khaak men milanaa hai mujhe
vo to khushboo hai use agale nagar jaanaa hai
vo tere husn kaa jaaduu ho ke meraa Gam-e-dil
har musaafir ko isii ghaat utar jaanaa hai