PHOLON KI KAHANI TO AKSAR AA AA KER SUNAI LOGON NE
KAANTON PE GUZARTI HAI KYA KYA YE BAAT CHUPAI LOGON NE
WO KEHTE RAHE SAB SUNTE RAHE UN PER TO NAHI HAI PABANDI
JAB MAIN NE HILAYI APNI ZUBAN SO QAID LAGAI LOGON NE
HO JAATE BAHAM DO DIL MIL KER,YE BAAT GAWARA THI KIS KO
MAANA WO KHAFA THA KUCH HUM SE,KUCH AUR LAGAI LOGON NE
US WAQT KAHAN TUM SOYE THE,ITNA TO BATA DO AB MUJH KO
JAB MERI MOHABBAT KI DUNIYA HANS HANS KER MITAI LOGON NE
HUM DOOB RAHE THE TOOFAN MAIN,KYA TUM NE NAHI YE DEKHA THA?
EHSAAN TUMHARA KYOUN MANEN,KASHTI TO BACHAI LOGON NE
BAD HAL-O-PRESHAN,KHOYE HOYE HUM POHANCHE JO UN KI MEHFIL MAIN
SAB SAMJHE YE KOI DEEWANA HAI,ZANJEER BARHAI LOGON NE
HUM KAISE POHANCHTE MASJID MAIN,RUKH KAISE HARAM KA KER LETE
JIS RAAH GAYE BHATAKNE KO,WO RAAH DIKHAI LOGON NE
JIS WAQT MERA GHAR JALTA THA,US WAQT KA MANZER MAT POOCHO
LOU AUR BARHAI DE KER HAWA,JAB AAG BHUJAI LOGON NE
KYA RAAZ THA IS MAIN POSHEEDA,KYA BAAT THI AISI AE “TISHNA”
JAB HOSH MUJHE KUCH AANE LAGA,MAIY AUR PILAAI LOGON NE
