aaNkhe.n mujhay talvo.N se vo malnay nahi dete
armaan mere dil ka nikalnay nahi dete
Khaatir se teri yaad ko Talnay nahi dete
sach hai k hamii.n dil ko sanbhalnay nahi dete
kis naaz se kehtay hai.n vo jhu.njhla k shab-e-vasl
tum to hame.n karavaT bhi badalnay nahi dete
paravaano.n ne faanuus ko dekha to ye bolay
kyo.n hum ko jalaatay ho k jalnay nahi dete
hairaan huu.N kis tarah karun arz-e-tamanna
dushman ko to pehluu se vo Talnay nahi dete
dil vo hai k fariyaad se lab_rez hai har vaqt
hum vo hai.n ki kuch muu.Nh se nikalnay nahi dete